ايقىن تولەپبەرگەن تويعا شاقىرعان كىسىدەن 700 مىڭ سۇراپ شوشىتتى
بۇل تۋرالى Stan.kz حابارلايدى.
جارقىراعان جۇلدىزداردىڭ ساحنادا ونەر كورسەتىپ قانا قويماي، توي بيزنەسپەن اينالىسىپ، قوسىمشا تابىس تاۋىپ جۇرگەندەرى ەشكىمگە دە جاسىرىن ەمەس. سولاردىڭ ءبىرى - بيىل ءتۇرلى جاڭالىعىمەن تاڭداي قاقتىرعان ايقىن تولەپبەرگەن.
نۇرسەيىت جىلقىشىباي ەسىمدى ازامات «دوسىم شاڭىراق كوتەرىپ، ايقىندى تويعا شاقىرىپتى. البەتتە تولەپبەرگەن ۇلى جۋرناليست باۋىرىما 700000 تەڭگە بەرسەڭ، بىرنەشە ءان ورىنداپ بەرەم دەپ كوزىنەن جاسىن شىعارىپتى»، - دەپ ءانشىنىڭ داعدارىس كەزىندە قوماقتى اقشا تالاپ ەتىپ، الگى جىگىتتى تاڭ قالدىرعانىن جەتكىزدى.
ارى قاراي «اباي بەگەيگە قوڭىراۋ شالىپ ۇسىنىسىن تاستاسا، ماسەلە اقشادا ەمەس، ەڭ باستىسى جينالعان جۇرتشىلىقتىڭ كوڭىلىنەن شىقسام بولدى دەپ تويىنا كەلىپتى»، - دەيدى ازامات.
وسىدان كەيىن جەلى قولدانۋشىلارى «انشىلەر اقشا سۇراعاندى جاقسى بىلەدى، وسىدان سالىق تولەۋدى نەگە زاڭداستىرمايدى» دەگەن ماعىناداعى سۇراقتار تۇسە باستادى.
وسىعان دەيىن قايرات نۇرتاستىڭ تويدا ءان ايتقانى ءۇشىن 5-7 مىڭ دوللار، «مۇزارت» توبىنىڭ 5 مىڭ دوللار، زاتتىبەك كوپبوسىن ۇلىنىڭ 3-5 مىڭ دوللار سۇرايتىنى بەلگىلى بولعان ەدى. ءدال قازىر انشىلەردىڭ توي يەلەرىنەن قانشا قارجى سۇرايتىنى بەلگىسىز.
