الماتىدا دارىگەرلەر 700 گرامم بولىپ دۇنيەگە كەلگەن ءسابيدىڭ ءومىرىن ساقتاپ قالدى
مۇنداي شاقالاقتاردىڭ قاتارعا قوسىلۋى مەديتسينادا بۇرىندارى وتە سيرەك كەزدەسەتىن دەپ حابارلايدى 31-ارنا.
مامانداردىڭ ايتۋىنشا، سوڭعى جىلدارى جاساندى جولمەن بالا كوتەرۋ وقيعالارى كوبەيگەندىكتەن، شالا تۋىلاتىن بالالاردىڭ سانى كۇرت وسكەن. سونداي-اق، الماتى وبلىسى بويىنشا جاعدايى ەڭ اۋىر ناۋقاستاردى قابىلدايتىن جالعىز ورتالىق، جۇرەك-قان تامىرلارى اۋرۋلارىنا دا پىشاقسىز وتا جاساۋدىڭ جاڭا ءادىسىن ەنگىزىپتى.
قازىردىڭ وزىندە جانساقتاۋ بولىمىندە تۋا ءبىتتى سىرقاتپەن دۇنيەگە كەلگەن 4 ءسابي جاتىر. دارىگەرلەردىڭ ايتۋىنشا، بۇرىندارى مۇنداي شاقالاقتاردىڭ تەك 10 پايىزى عانا ءومىر ءسۇرىپ كەتەتىن. قازىر جاڭا سالالى تەحنولوگيانىڭ ارقاسىندا 90 پايىزى امان قالادى ەكەن.
«وسى زامانعى وزىق اپپاراتتار ەنگىزىلگەلى بەرى بالالاردىڭ ساپالى ءومىر ءسۇرۋ مۇمكىندىگى ەداۋىر جاقساردى. جۇرتتىڭ كوبى 700 گراممەن 2 كەلى اراسىنداعى شالا تۋىلعان ءسابيدىڭ ءومىرىن ساقتاپ قالۋ مۇمكىن ەمەس دەپ ويلايدى. مىنە، ناتيجەسىن كورىپ جاتىرسىزدار. اپپاراتتىڭ كومەگىمەن سوڭعى ەكى جىلدا نارەستەلەر اراسىندا شەتىنەۋ جوقتىڭ قاسى»، - دەيدى اكۋشەر- گينەكولوگ ۇلتاي كىلتبايەۆا.
سونداي-اق، اۋرۋحانا دارىگەرلەرى جۇرەك-قان تامىرلارى سياقتى كۇردەلى سىرقاتتارعا وتا جاساۋدىڭ دا جاڭاشا تاسىلىنە كوشكەن. وبلىس اكىمىنىڭ قولداۋىمەن بەرىلگەن تەڭدەسسىز قۇرىلعىنىڭ كومەگىمەن ەندى ينفاركتپەن تۇسكەن ناۋقاستارعا جەدەل تۇردە وتا جاساۋعا مۇمكىندىك تۋعان.
«مەن وتە اۋىر جاعدايدا كەلىپ تۇسكەن بولاتىنمىن. قاسكەلەننەن جەدەل جاردەممەن الىپ كەلدى. كەلگەن بەتتە-اق جانساقتاۋ بولىمىنە اپارىپ بىردەن وتا جاسادى. جاڭا جولمەنەن قانسىز جاسالاتىن وتا ەكەن»، - دەيدى ەمدەلۋشى.
ياعني، جاڭا اپپاراتتىڭ ارقاسىندا 10 مينۋتتىڭ ىشىندە ناۋقاسقا ناقتى دياگنوز قويىپ، جارتى ساعاتتىڭ ىشىندە پىشاقسىز وتا جاساپ شىعۋعا تولىق مۇمكىندىك بار.
ءبىر جارىم ميلليون تۇرعىنى بار وبلىس بويىنشا كۇردەلى وتا جاسايتىن جالعىز ورتالىق وسى بولعاندىقتان، شالعايدان جەتە المايتىن جاعدايى اۋىر ناۋقاستار كوپ. سوندىقتان، كەيبىر وتانىڭ ءتۇرىن الىس ەلدىمەكەندەرگە بارىپ جاسايتىنداي، دارىگەرلەر توبىن قۇردىق دەيدى باس دارىگەر.
«الىستاعى اۋىلدارعا كومەك كورسەتە الامىز. ءقازىر دارىگەرلەرىمىز بارىپ وتا جاساپ جاتىر»، - دەيدى الماتى كوپسالالى كلينيكالىق ارۋحانانىڭ ديرەكتورى جۇماحان مولداقۇلوۆ.
اۋرۋحانا باسشىسىنىڭ ايتۋىنشا، وتاندىق مەديتسينا الەمدە بولىپ جاتقان جاڭالىقتار مەن جاڭا تاسىلدەردەن كوش قالماۋى كەرەك. سوندىقتان، ماماندارىمىزدى رەسەي، ليتۆا، كورەيا سياقتى ايتۋلى كلينيكالاردا تاجىريبە جەتىلدىرۋگە جىبەرىپ جاتىرمىز دەيدى.
