مەكسيكادا ايەلدەردى ولتىرگەن قىلمىسكەرلەر 700 جىلعا سوتتالدى

استانا. قازاقپارات - مەكسيكالىق چيۋاۋا شتاتىنىڭ سوتى ايەلدەردى جاپپاي ولتىرۋگە قاتىستى قوزعالعان قىلمىستىق ءىس بويىنشا ايىپتالعان بەس قىلمىسكەرگە 697 جىلعا باس بوستاندىعىنىان ايىرۋ تۇرىندە جازا كەستى.

بۇل تۋرالى ر ي ا نوۆوستي حابارلادى.

اڭگىمە 2009 جانە 2010-جىلدار كەزەڭىندە جاسالعان قىلمىستار جايلى. قاسكۇنەمدەر جاس قىزداردى ارباپ الداپ، كەيىن ولاردى جەزوكشەلىكپەن اينالىسۋعا، ەسىرتكى تاراتۋعا ماجبۇرلەگەن. ال ايەلدەر «تاۋارلىق ءتۇرىن» جوعالتقان كەزدە، ولاردى ءولتىرىپ، مۇردەسىن جاسىرىپ وتىرعان.

وسىنشا مەرزىمگە سوتتالعاننان باسقا، ولار ولتىرگەن ادامدارىنىڭ تۋىستارىنا كەلتىرىلگەن مورالدىق شىعىننىڭ وتەماقىسى رەتىندە 550 مىڭ دوللاردان استام اقشا تولەۋگە مىندەتتى. مەكسيكادا 2007-2012-جىلدار كەزەڭىندە ايەلدەردى ءولتىرۋ سانى ارتتى، ياعني 2,7 مىڭعا جەتكەن.