يراندا جىل باسىنان 700 ادام ءولىم جازاسىنا كەسىلگەن

«ەگەر يران بيلىگى ءدال وسى قارقىنمەن قىلمىسكەرلەردى ولتىرە بەرەتىن بولسا، وندا جىل سوڭىنا دەيىن ءولىم جازاسىنا كەسىلگەندەر سانى مىڭ ادامنان اسىپ كەتەدى» دەيدى Amnesty International ۇيىمى ديرەكتورىنىڭ تاياۋ شىعىس جانە سولتۇستىك افريكا ەلدەرى بويىنشا ورىنباسارى سايد بۋمەدۋحا.

ەلدە نەلىكتەن ءولىم جازاسىنا كەسىلگەندەردىڭ سانى ارتىپ كەتكەندىگى ايتىلماي وتىر. بەلگىلىسى، ولتىرىلگەندەردىڭ كوپشىلىگى ەسىرتىك ساۋداسىمەن اينالىسقاندار نەمەسە قاتىسى بار ادامدار بولعان.

قۇقىق قورعاۋ ۇيىمىنىڭ مالىمەتىنشە،قازىرگى تاڭدا ءوز ۇكىمىن كۇتىپ تاعى مىڭداعان يراندىق تۇرمەدە وتىر.

ايتا كەتەيىك، 15 شىلدە كۇنى تەگەران رەسمي تۇردە ءولىم جازاسىنا كەسىلىپ، ۇكىمى ورىندالعان قىلمىسكەرلەردىڭ سانى 246 ادام دەپ مالىمدەگەن بولاتىن. ەلدە ادەتتە ءولىم جازاسىن دارعا اسۋ ارقىلى ورىندايدى. ءولىم جازاسىنا كىسى ولتىرگەندەر، زورلاعاندار، ەسىرتكى ساۋداسىمەن اينالىسقاندار، پەدوفيلدەر، گوموسەكسۋالدار، قاراقشىلار، جۇبايىنىڭ كوزىنە ءشوپ سالعاندار، ادام ۇرلاۋ جانە لاڭكەستىك كەسىلەتىنىن ايتا كەتەيىك.

Baq.kz