سولتۇستىك قازاقستاندا «سىباعا» باعدارلاماسى بويىنشا 700 ميلليون تەڭگە ءبولىندى - فوتو

پەتروپاۆل. قازاقپارات - سولتۇستىك قازاقستاندا مال شارۋاشىلىعىن دامىتۋ باعىتىنداعى «سىباعا» ، «قۇلان» ، جانە «التىن اسىق» مەملەكەتتىك باعدارلامالارى تابىستى جۇزەگە اسىپ كەلەدى.

اتاپ ايتقاندا، اعىمداعى جىلى «سىباعا» باعدارلاماسى اياسىندا 3900 باس ءىرى قارانى ساتىپ الۋ ءۇشىن 700 ميلليون تەڭگە ءبولىندى.

ال «التىن اسىق» بويىنشا جوسپار 5850 باس مال، بۇعان 125 ميلليون تەڭگە قاراستىرىلدى. اتالعان قارجىعا اسىل تۇقىمدى قوشقارلار مەن ساۋلىقتار ساتىپ الىنادى. سولتۇستىك قازاقستاندىقتار، اسىرەسە، جىلقى تۇلىگىن ءوسىرۋ باعىتىنداعى «قۇلان» باعدارلاماسىنا كوپتەپ قاتىسۋدا. قازىردىڭ وزىندە فەرمەرلەر تاراپىنان 648  جىلقى الۋعا 24 ءوتىنىش ءتۇستى.