موينىندا 700 تەڭگە قارىزى بار قازاقستان ازاماتتارى شەتەلگە شىعا المايدى
بۇل تۋرالى استانا قالالىق اۆياتسيالىق ترانسپورت پروكۋراتۋراسىنىڭ باسپا ءسوز قىزمەتى حابارلادى.
ۆەدومستۆونىڭ مالىمەتىنشە، سوڭعى ۋاقىتتاردا ەل ازاماتتارىنا شەتەلگە شىعۋعا جول بەرمەۋ شارالارى جيىلەگەن. بۇل ەڭ الدىمەن 2013 -جىلدىڭ ماۋسىمىندا «سوت ورىنداۋشىلارىنىڭ ورىنداۋشىلىق ءوندىرىسى جانە دارەجەسى تۋرالى» زاڭىنا ەنگىزىلگەن ءبىرقاتار وزگەرتۋلەر مەن تولىقتىرۋلارعا بايلانىستى.
ازاماتتارتار بۇل ماسەلەگە شەتەلگە ۇشاتىن بيلەتتەرىن، دەمالاتىن جولدامالارىن ساتىپ الىپ، باراتىن ەلىندەگى قوناق ۇيگە تاپسىرىس بەرىپ قويعان سوڭ، شەكارالىق باقىلاۋدان ءوتىپ جاتقان كەزىندە تاپ كەلەدى. سوندىقتان، پروكۋراتۋراداعىلاردىڭ اتاپ وتۋىنشە، شەتەلدەردە كەڭىنەن قولدانىلاتىن بۇل ءتاسىل بورىشكەرلەردىڭ قارىزدارىن دەر كەزىندە وتەپ وتىرۋىنا زور ىقپال ەتەدى.
شەتەلگە ۇشۋعا تىيىم سالۋدىڭ ەڭ باستى سەبەبى ازاماتتىڭ موينىنداعى قارىز، ايىپپۇل، اتقارۋشى قۇجاتتاردى ورىنداماۋ سياقتى جاعدايلار. سوندىقتان، مەملەكەت الدىندا قارىزى نەمەسە ايىپپۇلى بار، ءيا بولماسا سوتقا جۇگىنگەن جەكە تۇلعاعا بورىشكەر ازاماتتار شەتەلگە ۇشار الدىندا دۇرىستاپ ويلانعاندارى ءجون.
«بۇل رەتتى تەك اليمەنت نەمەسە جول ايىپپۇلدارىن تولەمەگەن ادامدار عانا ەمەس، قالانىڭ كوممۋنالدىق قىزمەتتەرىنە دە قارىزى بار تۇلعالار بورىشكەر دەپ تانىلادى. 700 تەڭگەدەن باستاپ قارىزى بار ادامدار، ەگەر ولاردى سوت ارقىلى ءوندىرۋ شەشىمى شىعارىلعان بولسا، مۇنداي تىزىمگە ەنگىزىلەدى»، - دەلىنگەن حابارلامادا.
ايتا كەتەيىك، شەتەلگە شىعۋ مۇمكىندىگى ششەكتەلگەندەر تىزىمىنە ازامات سوت ورىنداۋشىسىنىڭ قاۋلىسى بويىنشا عانا كىرگىزىلەدى. ال سوت ورىنداۋشىسىنىڭ قاۋلىسى ءوز كەزەگىندە سوت ارقىلى سانكتسيالانۋى ءتيىس.
«سوت قاۋلىنى سانكسيالاعاننان كەيىن سىزگە ونىڭ كوشىرمەسى بەرىلەدى، سونىمەن قاتار ق ر ۇ ق ك شەكارا قىزمەتى دە ءبىر كوشىرمەسىن الادى. ءسىز شەتەلگە ۇشار كەزدە ءدال وسى قىزمەتتىڭ قىزمەتكەرلەرى ورتاق بازادا قارىزىڭىز تولەندى دەگەن بەلگى شىقپايىنشا، ءسىزدى شەكارادان وتكىزبەيدى»، - دەلىنگەن حابارلامادا.
اۆتور: ءابۋ-اسقار مەكەش ۇلى
