21:55, 25 - قىركۇيەك 2014 | GMT +5
الماتى وبلىسىندا ءۇش كۇن ىشىندە 700 دەن استام ادامعا ايىپپۇل سالىندى
تالدىقورعان. قازاقپارات - «زاڭسىز كەلۋشى-2014» جەدەل-الدىن الۋ شاراسىنىڭ ءۇش كۇنىندە 716 شەتەلدىك ازامات اكىمشىلىك جاۋاپكەرشىلىككە تارتىلدى.
وبلىستىق ءى ءى د باسپا ءسوز قىزمەتىنەن حابارلاعانداي، سولاردىڭ ىشىندە 436 ت م د ازاماتى ميگراتسيالىق قۇجاتتا كورسەتىلگەن ەلگە كەلۋ ماقساتىنىڭ سايكەس بولماۋىنان، بەلگىلەنگەن مەرزىمدە ەل اۋماعىنان كەتپەۋى سالدارىنان، تىركەۋ كەزىندە كورسەتىلگەن مەكەن-جايلارى بويىنشا تۇرماعاندىقتان جاۋاپكەرشىلىككە تارتىلدى. ونىڭ ىشىندە بەلگىلەنگەن تىركەۋ رەتىن بۇزعان 250 شەتەلدىك ازاماتقا ءتيىستى شارا قولدانىلدى.
سونداي-اق قازاقستان رەسپۋبليكاسى اۋماعىنا شەتەلدىك جۇمىس كۇشىن تارتۋ جانە ولاردى پايدالانۋ ەرەجەلەرىن بۇزعان 25 قازاقستاندىققا ايىپپۇل سالىندى. جەكە كۋالىگى جانە تۇرعىلىقتى مەكەن-جايى جوق ت م د ەلدەرىنىڭ 81 ازاماتى قابىلداۋ-ءبولۋ مەكەمەسىنە جەتكىزىلدى.
