يتاليادا مۇعالىمدەردىڭ 70 پايىزىنىڭ جاسى 50 دەن اسقان
بۇل تۋرالى ۇيىمنىڭ جىلدا جاريالاناتىن بايانداماسىندا كەلتىرىلگەن، دەپ جازادى «حابار 24».
يتاليا مەكتەپتەرىندەگى ۇستازداردىڭ 70 پايىزىنىڭ جاسى 50 دەن اسقان. ولاردىڭ كوبى - ايەلدەر. ءبىلىم بەرۋ جۇيەسى ءۇشىن مۇعالىمدەردىڭ جاسى ۇلكەن ماسەلە بولىپ تۇر. جاس ۇستازدارعا جۇمىس ورنى جەتىسپەيدى.
بۇل وزگە ماماندىقتارعا دا قاتىستى. جالپى، يتاليا ەۋروپاداعى ەڭ كارى ەل سانالادى. تۇرعىندارىنىڭ 20 پايىزى، ياعني 13 ميلليون ادام 65 جاستان اسقان. حالىقتىڭ قارتايۋى وسىدان 30 جىل بۇرىن باستالىپ، ەلدەگى ەگدە جاستاعىلاردىڭ سانى ءوسىپ كەلەدى.
«بۇگىندە حالىقتىڭ 20 پايىزى 65 جاستان اسقان. 20-30 جىل بۇرىن بۇل ۇلەس ەكى ەسە از بولاتىن. ەلىمىزدىڭ قارتايۋى جالعاسىپ، ونداعان جىل وتكەننەن كەيىن ەگدە جاستاعىلاردىڭ سانى 30 پايىزدان اسىپ كەتەدى»، - دەيدى دەموگرافيا مەن الەۋمەتتىك ساياساتتى زەرتتەۋ ينستيتۋتىنىڭ ديرەكتورى كوررادو بونيفاتسي.
