17:57, 18 - قىركۇيەك 2015 | GMT +5
قاجىلار ءۇشىن الەمنىڭ 70 تىلىندە 420 اۋدارماشى قىزمەت ەتەدى
استانا. قازاقپارات - ساۋد ارابياسىنىڭ ۋمرا جانە قاجىلىق راسىمدەرى جونىندەگى قايىرىمدىلىق ۇيىمى شەت ەلدەردەن كەلگەن قوناقتارعا قولايلىلىق جاساۋ ماقساتىندا اۋدارماشىلار قوسىنىن قۇرىپ وتىر.
كەلگەن ءدىني باسشىلار مەن جاۋاپتى تۇلعالاردىڭ، دارىگەرلەر مەن ءتارتىپ ساقشىلارىنىڭ، مەملەكەتتىك قىزمەتكەرلەر اراسىنداعى قارىم- قاتىناستى جاقسارتۋعا باعىتتالعان بۇل جوبا اياسىندا الەمنىڭ 70 تىلىندە ءتارجىما جاسايتىن 420 اۋدارماشى قىزمەت اتقارادى.
ۇيىمنىڭ باس ديرەكتورى مانسۋر ءال- اميردىڭ ايتۋىنشا، ونىڭ قىزمەتكەرلەرى تەك تارجىمامەن عانا اينالىسىپ قويماي، ءتۇرلى مىندەتتەردى دە اتقارادى. قاجىلارعا تاماق تاراتۋدىدا ۇيىم مۇشەلەرى ءوز مويىندارىنا العان كورىنەدى.
