اتلانت مۇحيتىن 70 جاستاعى پولياك 3 رەت ءجۇزىپ ءوتتى
3- قىركۇيەك، جەكسەنبى كۇنى قارت تەڭىزشى ءوز باعىتىنىڭ مارەسىنە - فرانسيانىڭ لە-كونكە پورتىنا جەتكەن.
دوبا 16- مامىردا ا ق ش- تىڭ نيۋ-دجەرسي شتاتى شەكتەسەتىن بەرنيگەت شىعاناعىنان ساپارعا شىققان. 17- ماۋسىمدا قايىقتىڭ ءرۋلى مايىسقانىنا قاراماي، قارت جيھانكەز ساياحاتىن جالعاستىرا بەرگەن.
2010-جىلى الەكساندر دوبا اتلانت مۇحيتىن بايداركادا جالعىز ءجۇزىپ وتكەن ءبىرىنشى ادام بولعان ەدى. 2013-جىلى مۇحيتتى تاعى ءبىر رەت ءجۇزىپ ءوتىپ، اشىق مۇحيتتا بايداركامەن ەڭ ۇزاق قاشىقتىقتا جۇزۋدەن رەكورد ورناتتى.
ايتا كەتەيىك، 2016-جىلعى جەلتوقساندا بريتاندىق پوليتسەيدىڭ اتلانت مۇحيتىن جالعىز ءجۇزىپ وتپەك بولعانى تۋرالى حابار تارالعان ەدى. مەدۋزالاردىڭ، قاتتى تولقىندار مەن قۇلاعىنا كىرىپ قالعان بالىقتىڭ كەسىرىنەن جوسپارداعىدان جاي ءجۇزىپ، بىرنەشە كۇننەن كەيىن ءجۇزۋىن توقتاتقان ەدى.
