جەڭىستىڭ 70 جىلدىعىنا بايلانىستى 225 مىڭنان استام سوتتالۋشى جازادان بوساتىلدى

استانا. قازاقپارات - رەسەيدە جەڭىستىڭ 70 جىلدىعى قۇرمەتىنە ءساۋىردىڭ 24 ى مەن قازاننىڭ 24 ى ارالاعىندا 225 مىڭنان استام جازاسىن وتەۋشى جانە تەرگەۋدەگى رەسەيلىكتەرگە راقىمشىلىق جاسالدى دەپ حابارلادى «ينتەرفاكس».

40 مىڭنان استامى تۇرمەدەن بوساتىلدى. قالعاندارى تۇرمەدەن بولەك جازادان ازات ەتىلدى.

راقىمشىلىققا، اتاپ ايتقاندا، ورتاشا اۋىرلىقتا قاساقانا قىلمىس جاساعانى ءۇشىن ءبىرىنشى رەت سوتتالعاندار، سوتتالۋشىلاردىڭ اراسىندا ەلگە ەڭبەگى سىڭگەن، ەڭبەگىمەن ەرەكشەلەنگەندەر بار. بۇدان باسقا، كامەلەتتىك جاسقا تولماعاندار، كامەلەتكە تولماعان بالالارى نەمەسە مۇگەدەك بالالارى بار ايەلدەر، جالعىز باستى انالار، جۇكتى ايەلدەر، I جانە II توپتاعى مۇگەدەكتەر، 55-تەن اسقان ەر ادامدار، 50 دەن اسقان ايەلدەر جانە ءۇشىنشى، ءتورتىنشى ساتىداعى ىسىك اۋرۋىمەن اۋىراتىن ناۋقاستار دا بار.

مەملەكەتتىك دۋما دەپۋتاتتارى راقىمشىلىق جاريالاۋ تۋرالى قاۋلى جوباسىن ساۋىردە قابىلداعان. راقىمشىلىق مەرزىمى جارتى جىلعا بەلگىلەندى. ياعني، 24 -قازاندا بۇگىن اياقتالادى.