نۇر- سۇلتاندا 7- جانە 9- مامىر كۇندەرى مەرەكەلىك وتشاشۋ بولمايدى

بۇل تۋرالى قالا اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«نۇر- سۇلتان قالاسىنىڭ مادەنيەت باسقارماسى مەرەكەلىك وتشاشۋ وتكىزۋدى جوسپارلاپ وتىرعان جوق»، - دەپ جازىلعان قازاقپارات ءتىلشىسى جولداعان ساۋالعا بەرىلگەن جاۋاپتا.
ال «جاۋجۇرەك پولك» اكسياسىن ونلاين فورماتتا وتكىزۋ جوسپارلانعان.
«بيىل «جاۋجۇرەك پولك» اكتسياسى «جاۋجۇرەك پولك» ءبىرىڭعاي اقپارات پلاتفورماسى مەن تانىمال الەۋمەتتىك جەلىلەردەگى اككاۋنتتاردا ونلاين فورماتتا وتەدى. بۇل جەردە اكسياعا قاتىسۋشىلاردىڭ ءبىرىڭعاي دەرەك قورى بولادى. سونداي- اق، سوعىسقا قاتىسقان قازاقستاندىقتار مەن ارداگەرلەر تۋرالى تاريحي انىقتامالار مەن مۇراعات دەرەكتەرى شوعىرلاندىرىلادى. بۇل پلاتفورمانىڭ سەرۆيسى كەز كەلگەن نيەتتى ادامعا سوعىسقا قاتىسقان جاقىندارى تۋرالى دەرەكتەردى قالدىرۋعا جانە جىل سايىنعى اكتسيالار كەزىندە پايدالانۋعا مۇمكىندىك بەرەدى»، - دەلىنگەن اكىمدىكتىڭ جاۋابىندا.
ەسكە سالساق، ق ر قورعانىس مينيسترلىگى بيىل نۇر- سۇلتان قالاسىندا جەڭىس كۇنىنە ارنالعان اسكەري پاراد ۇيىمداستىرىلمايتىنىن ءمالىم ەتكەن بولاتىن.