استانادا 7- جانە 9- مامىر كۇندەرى قانداي مادەني شارالار وتەدى؟

استانا. قازاقپارات - ەلوردادا وتان قورعاۋشىلار كۇنى جانە جەڭىس كۇنى مەرەكەلەرىنە ارنالعان شارالارعا بەلسەندى دايىندىق جۇمىستارى جۇرگىزىلىپ جاتىر، دەپ حابارلايدى قازاقپارات.
None
None

استانا قالاسى مادەنيەت جانە سپورت باسقارماسىنىڭ باسپا ءسوز قىزمەتى تاراتقان اقپاراتقا سۇيەنسەك، 7, 8 جانە 9- مامىردا استانا تۇرعىندارى مەن قوناقتارىنىڭ نازارىنا مەرەكەلىك باعدارلاما ۇسىنىلادى. شارالار اشىق الاڭداردا، كونسەرت زالدارى مەن تەاترلاردا وتەدى.

وتان قورعاۋشى كۇنىنە وراي 7- مامىردا قالالىق الاڭدا (اكىمدىكتىڭ الدىنداعى الاڭ، بەيبىتشىلىك كوشەسى، 11) قازاقستاندىق ەسترادا جۇلدىزدارىنىڭ قاتىسۋىمەن اشىق اسپان استىندا ۇلكەن كونسەرت وتەدى. مەرەكەلىك شارا ساعات 13:00-دە باستالىپ، ساعات 23:00-گە دەيىن جالعاسادى. ءمولدىر اۋەلبەكوۆا، داستان ورازبەكوۆ، بەيبىت قورعان، سەرىك يبراگيموۆ، ادام، «ارت دومبىرا» جانە «مەلومەن» توپتارى جانە ت. ب. ونەرپازدار كەلۋشىلەرگە كوتەرىڭكى كوڭىل كۇي سىيلايدى.

جەڭىس كۇنىنە ارنالعان شارالار 8 جانە 9- مامىردا وتەدى.

8- مامىردا ساعات 10:00-دە ورتالىق قالالىق زيراتتا ەكىنشى دۇنيەجۇزىلىك سوعىس جىلدارى العان جاراقاتتاردان كوز جۇمعان اقمولالىق جاۋىنگەرلەردىڭ قابىرىنە داڭق گۇل دەستەسىن قويۋ سالتاناتى وتەدى. وسى كۇنى «استانا» كونسەرت زالىندا «ۇلى جەڭىس كۇنى» اتتى مەرەكەلىك كونسەرت كوپشىلىك نازارىنا ۇسىنىلادى. ءمادينا ءسادۋاقاسوۆا، رۋستەم نۇرجىگىت، مەيىر باينەش، دينايا جانە ت. ب. ونەر جۇلدىزدارى شاراعا ارنايى شاقىرىلعان قوناقتار - ۇلى وتان سوعىسى ارداگەرلەرىنە ارناپ ساعىس جىلدارىنداعى اندەردى ورىندايدى. سونداي-اق، كونسەرتكە ەلوردالىق «جاستار» تەاترىنىڭ ارتيستەرى قاتىسادى.

9- مامىردا «وتان قورعاۋشىلار» مونۋمەنتىنە «داڭق گۇلدەستەسىن» قويۋ سالتاناتى وتەدى. سودان كەيىن ستۋدەنتتىك ساياباقتا 11 اسكەري پالاتادان قۇرىلعان قالاشىقتا ارداگەرلەر مەن تىل ەڭبەككەرلەرىنە ارناپ مەرەكەلىك داستارقان جايىلادى.

جەڭىس كۇنىن مەرەكەلەۋ ستۋدەنتتىك ساياباقتا (وربيتا اۋدانى) جانە قالالىق الاڭدا جالعاسادى. بەلگىلى قازاقستاندىق ەسترادا انشىلەرى سوعىس جىلدارىنداعى اندەردى ورىندايدى. ەلوردا تۇرعىندارى مەن قوناقتارى كونسەرتتى تاماشالاي الادى.

شارالاردىڭ تولىق ءتىزىمى www.madeniet.astana.kz سايتىندا جاريالانعان.

Астанада 7 және 9 мамыр күндері қандай мәдени шаралар өтеді

سوڭعى جاڭالىقتار