17:18, 20 - شىلدە 2020 | GMT +5
نۇر-سۇلتاندا بيىل 7 مىڭ وقۋشىعا ارنالعان 8 مەكتەپ اشىلادى
نۇر-سۇلتان. قازاقپارات - جاڭا وقۋ جىلىندا ەلوردادا 7 مىڭ وقۋشىعا ارنالعان 8 مەكتەپ اشىلادى. بۇل تۋرالى قالالىق ءبىلىم باسقارماسىنىڭ باسشىسى شولپان قادىروۆا ءمالىم ەتتى، دەپ حابارلايدى قازاقپارات ءتىلشىسى.
«ەلوردا حالقىنىڭ جىل سايىن ءوسۋى وقۋشىلاردىڭ دا كوبەيۋىنە اسەر ەتەتىنى بەلگىلى. سوندىقتان دا، قالامىزدا مەكتەپ قۇرىلىسىنا دەگەن سۇرانىستىڭ جوعارى ەكەنىن بىلەسىزدەر. قازىرگى ۋاقىتتا قالادا وقۋشى سانى كوپ مەكتەپتەر مەن ءۇش اۋىسىمدا وقىتاتىن مەكتەپتەر جۇمىس ىستەيدى»، - دەدى دەدى شولپان قادىروۆا قالا اكىمدىگىنىڭ فەيسبۋكتەگى پاراقشاسىندا وتكەن باسپا ءسوز ءماسليحاتىندا.
ونىڭ ايتۋىنشا بيىل 10100 وقۋشىعا ارنالعان 14 نىساندى ىسكە قوسۋ جوسپارلانىپ وتىر. ونىڭ ىشىندە 7000 ورىنعا ارنالعان 8 مەكتەپ، 3100 ورىنعا ارنالعان جۇمىس ىستەپ تۇرعان مەكتەپتەر اۋماعىندا 6 جاپسارلاس قۇرىلىس نىسانى پايدالانۋعا بەرىلەدى.
