بىلتىر جەر قويناۋىن پايدالانۋعا سالىنعان ينۆەستيتسيا سوماسى 7,7 تريلليون تەڭگە بولدى

استانا. قازاقپارات - ەنەرگەتيكا ۆيتسە- ءمينيسترى اسحات حاسەنوۆ كومىرسۋتەك سالاسىنداعى جەر قويناۋىنا باعىتتالعان ينۆەستيتسيالار تۋرالى ايتتى، دەپ حابارلايدى قازاقپارات ءتىلشىسى.

«بۇگىنگى تاڭدا كومىرسۋتەكتەر بويىنشا 276 كەلىسىمشارت قامتىلعان. ونىڭ ىشىندە ءونىمدى ءبولۋ تۋرالى كەلىسىم – 9، بارلاۋ جۇمىستارىنا قاتىستى – 137، ال ءوندىرۋ سالاسىندا 130 شارت بار»، - دەدى ا. حاسەنوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، 2022 -جىلى جەر قويناۋىن پايدالانۋعا سالىنعان ينۆەستيتسيا سوماسى 7,7 تريلليون تەڭگەگە جەتتى. سونىڭ اراسىندا وندىرۋگە 2,8 تريلليون تەڭگە، گەولوگيالىق بارلاۋعا - 135,7 تريلليون تەڭگە ەسكەرىلدى. سونىمەن قاتار قالعان 4,7 تريلليون تەڭگە شىعىندارعا، وڭىرلەردىڭ الەۋمەتتىك- ەكونوميكالىق دامۋىنا، ازاماتتاردى وقىتۋعا، عىلىمي- زەرتتەۋ جانە تاجىريبەلىك- كونسترۋكتورلىق جۇمىستارعا تيەسىلى.

«وسى ورايدا بىلتىر گەولوگيالىق بارلاۋعا ينۆەستيتسيالار اعىنىنىڭ وڭ سەرپىنى بايقالدى»، - دەدى ۆيتسە- مينيستر.