قازاقستاندا 7 پارتيا ءماجىلىستىڭ 69 مانداتى ءۇشىن ساياسي دوداعا تۇسەدى
«تىركەلگەن بارلىق 7 ساياسي پارتيا پارلامەنت ءماجىلىسىنىڭ 69 مانداتى ءۇشىن ساياسي دوداعا قاتىساتىن بولادى. پارلامەنت ماجىلىسىنە سايلاۋ كەزىندە ساياسي پارتيالاردىڭ تىزىمدەرىندە «سايلاۋ تۋرالى» كونستيتۋتسيالىق زاڭعا سايكەس ايەلدەر، جاستار جانە مۇگەدەكتىگى بار ادامدار ءۇشىن بەلگىلەنگەن 30 پايىزدىق كۆوتا تولىعىمەن ەسكەرىلدى»، - دەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ بۇگىن كوميسسيا وتىرىسىندا.
ونىڭ دەرەگىنشە، ءماجىلىس دەپۋتاتى سايلاۋىندا 29 ءبىر مانداتتىق اۋماقتىق سايلاۋ وكرۋگى بويىنشا 609 كانديدات ۇسىنىلعان.
«جالپى رەسپۋبليكا بويىنشا ءار سايلاۋ وكرۋگىنە ورتاشا باسەكەلەستىك 21 كانديداتتى قۇرايدى. ەڭ جوعارعى باسەكەلەستىك استانا قالاسىنىڭ 2 سايلاۋ وكرۋگىنىڭ ءارقايسىسى بويىنشا 63 كانديداتتان. ەڭ تومەنگى كورسەتكىش ۇلىتاۋ وبلىسىنىڭ سايلاۋ وكرۋگى بويىنشا 6 ادام ءبىر مانداتقا»، - دەدى كوميسسيا ءتوراعاسى.
