الماتىدا 7,5 ميلليون تەڭگەمەن شەكارا اسپاق بولعان ادام ۇستالدى

الماتى. قازاقپارات - الماتى اۋەجايىندا «الماتى-باكۋ» باعىتىنداعى رەيستەن زاڭسىز اقشامەن وتپەك بولعان ادام ۇستالدى. ەر ادام 7,5 ميلليون تەڭگەمەن شەكارا اسپاق بولعان، دەپ حابارلايدى قازاقپارات ءتىلشىسى.
None
None

قالالىق مەملەكەتتىك كىرىستەر دەپارتامەنتىنىڭ باسپا ءسوز قىزمەتى حابارلاعانداي، «جەتىسۋ» كەدەندىك بەكەتىندەگى ءتىنتۋ كەزىندە «الماتى - باكۋ» رەيسىنىڭ جولاۋشىسىنان 20 مىڭ ەۆرو، ياعني 7,5 ميلليون تەڭگە تابىلدى. جولاۋشى بۇل قاراجاتتى، دەكلاراتسيالاماعان.

«مۇنداي قۇقىق بۇزۋشىلىقپەن كۇرەس بەلسەندى جۇرگىزىلەدى. جىل باسىنان بەرى 17 دەرەك تىركەلدى. جولاۋشىلار ە ا ە و شەكاراسىن 247800 دوللارمەن، 17500 ەۆرومەن، 34400 قىتاي يۋانىمەن، 276000 تەڭگەمەن اسپاق بولعان»، - دەدى دەپارتامەنتتەن.

ق ر زاڭناماسىنا سايكەس ق ر ازاماتتارى 10 مىڭ ا ق ش دوللارىنان اسپايتىن سومانى تىركەمەي شىعا الادى. ەگەر اقشا سوماسى 10 مىڭ دوللاردان اساتىن بولسا، ونى كەدەندىك دەكلاراتسيادان وتكىزۋ شارت.

اۆتور: گۇلميرا عوسمانالي

سوڭعى جاڭالىقتار