قازاقستاندا تاۋەلسىزدىك جىلدارىندا سىرەسپەمەن سىرقاتتانۋ 7,5 ەسەگە تومەندەدى

ال ەرەسەكتەر اراسىندا 7,6 ەسەگە (1991-جىلعى 100 مىڭ تۇرعىنعا شاققاندا 15 جاعدايدان 2015-جىلعى 2 جاعدايعا دەيىن) تومەندەدى. بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى حابارلادى.
سىرەسپە - قوزدىرعىشى بايلانىس مەحانيزمى ارقىلى (وتتەكسىز ورتادا ءومىر سۇرەتىن گرام وڭ تاياقشالارى) بەرىلەتىن، ورتالىق نەرۆ جۇيەسىنىڭ بەلگىلى قۇرىلىمىنىڭ زاقىمدالۋىمەن سيپاتتالاتىن، قاڭقا بۇلشىق ەتتەرىنىڭ قۇرىسۋى جانە تىرىسپا تۇرىندەگى زووانتروپونوزدىق ءجىتى ينفەكتسيالىق اۋرۋ.
ادام سىرەسپەنىڭ ۋىتىن سەزگىش كەلەدى، ءبىراق وعان قارسى تابيعي يممۋنيتەتى بولمايدى. كوبىنەسە سىرەسپە جەڭىل تۇرمىستىق جاراقاتتانۋلاردان كەيىن پايدا بولادى. سىرقاتتانعان ادامدار ادەتتە مەديتسينالىق كومەككە جۇگىنبەيدى، جۇقتىرۋدىڭ نەگىزگى سەبەبى كوبىنە تاباننىڭ زاقىمدالۋىنا بايلانىستى.
ينكۋباتسيالىق كەزەڭى 4-14 كۇندى قۇرايدى، كەيبىر جاعدايلاردا 30 كۇنگە دەيىن جەتۋى مۇمكىن. كلينيكالىق اعىننىڭ اۋىرلىعى ينكۋباتسيالىق كەزەڭنىڭ ۇزاقتىعىنا تاۋەلدى بولۋى مۇمكىن، ول از بولعان سايىن سىرقاتتىڭ اۋىرلىعى كۇشەيىپ، ءولىم جاعدايلارى ارتا تۇسەدى.
سىرەسپەنىڭ الدىن الۋدىڭ نەگىزگى ءادىسى - ۆاكتسينالاۋ. ۇلتتىق ەكپە كۇنتىزبەسىنە ساي بالالاردى ۆاكتسينالاۋ 2 ايدان باستاپ ءۇش رەتتىك اكدس ۆاكتسيناسىمەن ەگىلەدى. ءبىرىنشى قايتا ۆاكتسينالاۋ بالانىڭ 18 اي كەزىندە جاسالادى، ءارى قاراي 6 جاسىندا، سودان كەيىن ءاربىر 10 جىلدا وتكىزىلەدى.
تەرى جابىنى تۇتاستىعىنىڭ جانە شىرىشتى قابىقشانىڭ بۇزىلۋىمەن جاراقاتتانعاندار، زاقىم العان ادامدار جوسپارلى تۇردە ەكپە الۋلارى كەرەك.
ەكپە ەگىلمەگەن، سىرەسپەمەن سىرقاتتانعان ادامدار ازاپتى ولىمگە دۋشار بولادى.