بيىل ەلوردا العاش رەت مەملەكەت بيۋدجەتىنە شامامەن 7,5 ميلليارد تەڭگە اۋدارادى

ۆەدومستۆونىڭ اقپاراتىنا قاراعاندا، 2015 - جىلى استانا قالاسى العاش رەت مەملەكەتتىك بيۋدجەتكە 7,5 ميلليارد تەڭگە شاماسىندا اقشا اۋدارماق.
قالا بيۋدجەتىنىڭ 32 پايىزى الەۋمەتتىك بلوكقا تيەسىلى. 5 جىل ىشىندە ءبىلىم بەرۋ سالاسىنداعى شىعىندار 2 ەسە ءوسىپ، 46,1 ميلليارد تەڭگەگە دەيىن جەتكەن. قالانىڭ ءبىلىم بەرۋ سالاسىنداعى مەكەمەلەر جۇيەسىندە 80 بالاباقشا، بالالارعا ارنالعان 11 شاعىن ورتالىق، 75 مەكتەپ، 2 قازاق- تۇرىك ليسەيى، دارىندى بالالارعا ارنالعان 1 «زەردە» مەكتەبى، 1 ارنايى كوررەكسيالىق مەكتەپ- ينتەرناتى، 1 كەشكى مەكتەپ، 11 كوللەدج، 3 پسيحولوگيالىق مەديتسينالىق- پەداگوگيكالىق كوررەكسيا ورتالىعى، 2 قالپىنا كەلتىرۋ ورتالىعى جانە 2 كوررەكتسيا بولمەسى، 1 بالالار ءۇيى، وتباسىلىق تيپتەگى 1 بالالار اۋىلى، 1 كامەلەت جاسىنا تولماعانداردى بەيىمدەۋ مەن قالپىنا كەلتىرۋ ورتالىعى، 1 اقپاراتتاندىرۋ ورتالىعى، سونىمەن قاتار بالالارعا قوسىمشا ءبىلىم بەرەتىن وقۋشىلار سارايى مەن 12 ۇيىم بار.
دەنساۋلىق ساقتاۋ سالاسىنداعى شىعىندار 5 جىلدا 1,7 ەسەگە ارتىپ، 38,8 ميلليارد تەڭگەنى قۇراعان. دەنساۋلىق ساقتاۋ باسقارماسىنا قاراستى مەديتسينالىق ۇيىمدار جۇيەسىنە 18 مەديتسينالىق ۇيىم كىرەدى. سونىڭ ىشىندە 1221 توسەك- ورىندىق 5 ستاسيونار، 6 امبۋلاتوريالىق- ەمحانالىق ۇيىم (5 پوليكلينيكا، 1 ج ق ت ب- مەن كۇرەس جانە الدىن الۋ ورتالىعى) ، 1 قالالىق جەدەل مەديتسينالىق جاردەم ستانساسى، 4 باسقا دا ۇيىمدار جانە 2 مەديتسينالىق ءبىلىم بەرۋ ۇيىمى بار. بەس جىل ىشىندە بيۋدجەتتىڭ ت ك ش سالاسىنداعى شىعىنى 84,1 ميلليارد تەڭگەگە دەيىن وسكەن.
«ترانسپارەنتتىلىك پرينتسيپىنىڭ نەگىزىندە قالا بيۋدجەتى بەكىتىلگەن كەزدە جانە ارى قاراي ناقتىلانعان سايىن «استانا اقشامى» گازەتتەرىندە جاريالانىپ وتىرادى. سونىمەن قاتار الداعى سەسسيا تۋرالى حابارلاندىرۋلار مەن بيۋدجەت تۋرالى ماقالالار جاريالانادى»، - دەلىنگەن حابارلامادا.
اۆتور: مارلان جيەمباي