تۇلكىباس اۋدانىنىڭ تاۋلارىندا جوعالىپ كەتكەن 7 جاسار قىزدى 400 ادام ىزدەپ جاتىر - فوتو
17- ساۋىردە كەشكە جاۋىننىڭ باستالعانىنا قاراماستان، ايەل مەن قىز بالا تاۋعا ساڭىراۋقۇلاق جيناۋعا شىقتى. الايدا كەيىن ولار ۇيىنە ورالماعان.
تۇلكىباس اۋدانىنىڭ ىشكى ىستەر ءبولىمى جانە وڭتۇستىك قازاقستان وبىلىسى ىشكى ىستەر ساقشىلارى، سونىمەن قاتار قۇتقارۋشىلار مەن ەرىكتىلەر جوعالعانداردى ىزدەۋگە كىرىستى. ىزدەۋ جۇمىستارىنا بارلىعى 400 ادام جۇمىلدىرىلدى. ىزدەۋ شارالارىنا قىزمەتتىك يتتەر مەن 18 تەحنيكا تارتىلدى.
بارلىق پوليتسيا بەكەتتەرىنە جوعالعانداردىڭ سۋرەتى جىبەرىلدى. بۇل ىڭكاربەك ينابات نۇرقانات قىزى (2009 - جىلى تۋعان، بەلگىلەرى: بويى 120 س م، ارىقتاۋ، ۇزىن، قارا شاشتى. كيگەن كيىمى: قىزىل ءتۇستى كۇرتە، قارا ءتۇستى شالبار، اياعىندا اق ءتۇستى كەدى) جانە بايمۇراتوۆا اشىركۇل (1960 - جىلى تۋعان، شىمكەنت تۇرعىنى، بەلگىلەرى: بويى 165-170 س م، دەنە ءبىتىمى ارىقتاۋ، شاشى قىسقا، قارا ءتۇستى. كيگەن كيىمى: توقىلعان قارا شولاق جەڭدى كۇرتە، جاسىل ءتۇستى كۇرتەشە، قارا شالبار، اق كروسسوۆكا).
و ق و ءى ءى د جوعالعاندار تۋرالى كەز كەلگەن اقپارات بىلەتىن ازاماتتار مەن كۋاگەرلەردەن «102» تەلەفوندارى بويىنشا حابارلاسۋىن سۇرادى.
