اشحابادتاعى ستاديوندا ەل پرەزيدەنتىن 7 ساعات كۇتكەن - 3 ادام قازا تاۋىپ، 50 دەن استامى ەستەرىنەن تاندى

«مەملەكەت باسشىسى تاياۋدا جاڭعىرتىلعان بۇل نىسانعا ساعات 08:00 شاماسىندا كەلۋى ءتيىس ەدى، سوندىقتان ادامداردى ستاديونعا ساعات 05:00-گە كەلۋگە ماجبۇرلەگەن. ءبىراق تۇركىمەن كوشباسشىسى سالتاناتقا تەك 11:45-تە عانا جەتتى»، - دەلىنگەن جاريالانىمدا.
كەيىننەن گ. بەردىمۇحامەدوۆتىڭ اۋەلى باسقا نىسانداردى قاراپ شىعۋدى شەشكەنى بەلگىلى بولعان، ال اراسىندا 4-15 جاس ارالىعىنداعى بالالار مەن 70 جاستاعى قارتتار بولعان ادامدار ونى وتىرماستان 7 ساعاتقا جۋىق ۋاقىت كۇتكەن.
«وسى 7 ساعاتتىڭ ىشىندە 50 گە جۋىق ادام ەستەرىنەن تانعان. ولارعا سول جەردە كومەك كورسەتىلگەن. كۇندىزگى ساعات 1 گە دەيىن 3-4 شاقىرىم راديۋسىنداعى بارلىق كوشەلەر جابىلعان. سونىڭ اراسىندا مەديتسينالىق مەكەمەلەرگە دە اپاراتىن جولدار جابىق بولدى. سوندىقتان كومەككە مۇقتاج بولعان جاندار دا، مەديتسينالىق قىزمەتكەرلەر دە ولارعا جەتە المادى»، - دەپ جازادى اقپاراتتىق اگەنتتىك.