ينتەرنەت- الاياقتار الماتىلىقتىڭ اتىنا 7,2 ميلليون تەڭگە نەسيە راسىمدەگەن
الماتى قالالىق پوليتسيا دەپارتامەنتىنىڭ مالىمەتىنشە، ناۋرىزباي اۋدانىنىڭ تۇرعىنى الاياقتاردىڭ قۇربانى بولدى. وعان بەيتانىس ادام قوڭىراۋ سوعىپ ايلاسىن اسىرعان.
«قوڭىراۋ شالعان ازامات ءوزىن ەكىنشى دەڭگەيلى بانكتەردىڭ ءبىرىنىڭ قاۋىپسىزدىك قىزمەتكەرىمىن دەپ تانىستىرىپ، بەلگىسىز بىرەۋلەر ونىڭ اتىنا نەسيە راسىمدەمەك بولىپ جاتقانىن ايتقان. اڭگىمەلەسۋشى جابىرلەنۋشىنى وعان كومەكتەسەتىنىنە بىردەن سەندىردى، ءبىراق ونىڭ نۇسقاۋلارىن بۇلجىتپاي ورىنداۋدى تالاپ ەتتى. الدىمەن «بانك قىزمەتكەرىنىڭ» تالابى بويىنشا جابىرلەنۋشى تەلەفونىنا كۇماندى قوسىمشانى جۇكتەپ العان، بۇل الاياقتارعا ونىڭ ءموبيلدى بانكينگىنە قاشىقتىقتان قول جەتكىزۋگە مۇمكىندىك بەردى. ودان ءارى اڭگىمەلەسۋشىنىڭ كەڭەسىمەن تەلەفونىنا ەكىنشى دەڭگەيلى تاعى ءۇش بانكتىڭ قوسىمشاسىن جۇكتەپ العان. وسىلايشا، ولار جابىرلەنۋشىنىڭ اتىنا 7,2 ميلليون تەڭگە كولەمىندە نەسيە راسىمدەگەن»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى ديدار احانوۆ.
پوليتسيا وكىلىنىڭ سوزىنشە، اتالعان قىلمىستى اشۋ ءۇشىن قالالىق كريمينالدىق پوليتسيا جانە ناۋرىزباي اۋداندىق پ ب- نىڭ قىزمەتكەرلەرىنەن جەدەل- تەرگەۋ توبى قۇرىلدى.
«جەدەل- ىزدەستىرۋ ءىس- شارالارى بارىسىندا الاياقتىق جولمەن الىنعان اقشانى قولما- قول اقشاعا اينالدىرماق بولعان 29 جانە 34 جاستاعى ەكى ازامات ۇستالدى جانە قاماۋعا الىندى. قازىرگى ۋاقىتتا الاياقتىقتىڭ باسقا قاتىسۋشىلارىن ۇستاۋعا باعىتتالعان كەشەندى شارالار جۇرگىزىلىپ جاتىر. سوتقا دەيىنگى تەرگەۋ ق ر ق ك- ءنىڭ 190-بابى 3-بولىگى بويىنشا جۇرگىزىلىپ جاتىر»، - دەدى ول.
ديدار احانوۆ ق ر ق ر ق پ ك- ءنىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن اتاپ ءوتتى.
