يپوتەكالىق «7-20-25» باعدارلاماسى قاجەت پە - مينيستر جاۋابى
جۋرناليستەر مينيستردەن «7-20-25» باعدارلاماسى قاجەت پە، ول ءارى قاراي جۇمىس ىستەي مە دەگەن ساۋال قويدى.
«باعدارلامانى جالعاستىرۋ كەرەك دەپ سانايمىن. مەن ايتقان 600 ميلليارد (تەڭگە) ادامداردان تۇسكەن وتىنىمدەر. ءبىراق ۇلتتىق بانك جىل سايىن 100 ميلليارد (تەڭگە) بولۋگە شەشىم قابىلدادى. ءبىر باعدارلاما اياسىندا «باقىتتى وتباسى»، «شاڭىراق»، «7-20-25» باعدارلامالارىنان باسقا ەشتەڭە قالمايدى. ءيا، بۇل باعدارلامانى جالعاستىرۋ كەرەك دەپ ويلايمىن»، - دەدى قارابايەۆ جۋرناليستەردىڭ سۇراقتارىنا جاۋاپ بەرىپ.
سونىمەن قاتار، جۋرناليستەر مينيستردەن تۇرعىن ءۇي نەسيەسىنە قارجى جەتكىلىكتى مە دەپ سۇرادى.
جوق، بۇل جەتكىلىكسىز دەپ ويلايمىن. بىزگە قازىر ازاماتتاردان 600 ميللياردقا (تەڭگە) سۇرانىس ءتۇسىپ جاتىر. سوندىقتان قازىر 100 ميلليارد تەڭگە كولەمىندە اقشا ءبولىنىپ جاتىر. بيۋجەت مۇمكىندىگى شەكسىز ەمەس، اقشا بيۋجەت مۇمكىندىگىنە قاراي بولىنەدى»، - دەپ ءتۇسىندىردى قارابايەۆ.
بۇعان دەيىن قازاقستاننىڭ ورنىقتىلىق قورى وكىلدەرى «7-20-25» يپوتەكالىق باعدارلاماسى تۋرالى پىكىر بىلدىرگەن بولاتىن. قوردىڭ مالىمەتىنشە، «7-20-25» باعدارلاماسى ءوز جۇمىسىن جالعاستىرىپ جاتىر. 2023-جىلعا ارنالعان ليميت 100 ميلليارد تەڭگە مولشەرىندە بەكىتىلگەن.
