مينيسترلىك: «7-20-25» باعدارلاماسىن جالعاستىرۋدى بيزنەس قاۋىمداستىق ۇسىندى

ب ا ق- تا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆتىڭ «7-20-25» باعدارلاماسى ءارى قاراي جالعاسۋى مۇمكىن ەكەنىن ايتقانى تۋرالى اقپارات تاراعان بولاتىن. ۆەدومستۆونىڭ باسپا ءسوز قىزمەتى وسى اقپارتتىڭ ءمان- جايى تۋرالى ساۋالىمىزعا جاۋاپ جولدادى.
«يپوتەكالىق باعدارلامانى ءارى قاراي جالعاستىرۋ تۋرالى ۇسىنىس بيزنەس قاۋىمداستىقتان تۇسكەن بولاتىن. ۇلتتىق بانكتىڭ دەرەگى بويىنشا، بۇگىنگى تاڭدا رەزەرۆتە وسى باعدارلامانى ىسكە اسىرۋعا ارنالعان 500 ميلليارد تەڭگە بار. ۋاكىلەتتى ورگاننىڭ ۇستانىمى بويىنشا، يپوتەكا نارىعىن مەملەكەتتىك رەتتەۋدەن كەتىپ، نارىقتىق جولمەن دامىتۋعا جول اشۋ قاجەت. ونىڭ ۇستىنە قازىرگى احۋالدى، جەڭىلدەتىلگەن يپوتەكالىق باعدارلامانىڭ اياقتالۋى كۇتىلىپ وتىرعانىن، ءبىرجولعى زەينەتاقى تولەمدەرى مەن نارىقتىق ونىمدەردىڭ قىسقارعانىن ەسكەرىپ، بالاما شارا رەتىندە يپوتەكانى سۋبسيديالاۋ مۇمكىندىكتەرىن ەنگىزۋدى پىسىقتاپ جاتىرمىز»، - دەپ جازىلعان مينيسترلىكتىڭ باسپا ءسوز قىزمەتى ۇسىنعان مالىمەتتە.
ەسكە سالساق، ۇلتتىق بانك «7-20-25» باعدارلاماسىنىڭ كەلەشەگى تۋرالى تۇسىنىكتەمە بەرگەن بولاتىن.
اۆتور: ەسىمجان ناقتىباي