ەلىمىزدە «7-20-25» ەلەكتروندىق پورتالى قۇرىلادى

دەپ حابارلايدى قازاقپارات «حابار 24» تەلەارناسىناسىلتەمە جاساپ.

تۇرعىن ءۇي باعدارلاماسىنا جوعارى قىزىعۋشىلىقتى الماتىلىقتار ءبىلدىرىپ وتىر. ساراپشىلار مۇنى تۇرعىنداردىڭ تولەم قابىلەتتىلىگى دەڭگەيىنىڭ جوعارىلىعىمەن جانە قۇرىلىس قارقىنىمەن تۇسىندىرۋدە. سوڭعى دەرەكتەر بويىنشا، بانكتىڭ وڭ شەشىمىن 1 مىڭ تۇرعىن العان. بەرىلگەن قارىز كولەمى - 12 ميلليارد تەڭگە. الماتىدا جىل سايىنعى تۇرعىن ءۇي قۇرىلىسىنىڭ كولەمى 3 ميلليون شارشى مەتردى قۇرايدى. قۇرىلىس قارقىنى بيىل دا جالعاسۋدا. مەملەكەتتىك باعدارلامانىڭ شارتى بويىنشا، ەڭ قىمبات پاتەردىڭ قۇنى 25 ميلليون تەڭگەدەن اسپاۋى قاجەت.

باعدارلامانىڭ قارجى وپەراتورى كليەنتتەر ءۇشىن ارنايى تۇرعىن ءۇي پورتالىن ازىرلەپ جاتىر. بۇل پورتال ۋاقىت وتە كەلە قازاقستاننىڭ بارلىق ءوڭىرىن قامتيتىن بولادى.

«مەنەدجەرلەر قۇرىلىس كومپانيالارىنا حابارلاسىپ تۇراتىن بولادى. پورتال قۇرىلىس كومپانيالارىنا دا ءتيىمدى. سەبەبى، ءبىر دەرەككوز ارقىلى الەۋەتتى ساتىپ الۋشىلار باسپانانىڭ بار- جوعىن بىلە الادى. بۇل، تۇرعىندار ءۇشىن دە وتە ىڭعايلى بولماق. قاي پاتەردىڭ ساتىلىمدا ەكەنى، ونىڭ ءار شارشى مەترىنىڭ قۇنى تۋرالى مالىمەتتەر الىپ، سۋرەتتەرىن كورە الادى. قازىر وسى جۇمىسپەن اينالىسىپ جاتىرمىز»، - دەدى «باسپانا» يپوتەكالىق كومپانياسى» ا ق كوممۋنيكاتسيالار قىزمەتى باسشىسىنىڭ ورىنباسارى ايبار ولجايەۆ.