قازاقستاندا «7-20-25» باعدارلاماسى بويىنشا قانشا ءوتىنىش ماقۇلداندى

الماتى. قازاقپارات - قازاقستاندا «7-20-25» باعدارلاماسى شەڭبەرىندە زايم بەرۋگە 2052 ءوتىنىش ماقۇلداندى.

بۇل تۋرالى ق ر ۇلتتىق بانكى باسپا ءسوز قىزمەتى مالىمدەدى، دەپ حابارلايدى قازاقپارات ءتىلشىسى.

«بيىل 30 -قىركۇيەكتەگى جاعداي بويىنشا «7-20-25» باعدارلاماسى اياسىندا قارىز الۋعا 36,6 ميلليارد تەڭگە سوماسىنا 3089 ءوتىنىش قابىلداندى. ونىڭ ىشىندە 24,5 ملرد تەڭگە كولەمىندە قارىز بەرۋگە 2052 ءوتىنىش ماقۇلداندى»، - دەدى رەتتەۋشى بانك باسپا ءسوز قىزمەتى.

ايتا كەتەرلىگى، «7-20-25» باعدارلاماسى مەملەكەت باسشىسىنىڭ 2018 -جىلعى 5 -ناۋرىزداعى حالىققا ارنالعان «پرەزيدەنتتىڭ بەس الەۋمەتتىك باستاماسى» ۇندەۋىندە ايتىلعان ءبىرىنشى الەۋمەتتىك باستامانى ىسكە اسىرۋ اياسىندا ازىرلەندى.