جاڭا يپوتەكا: 7-20-25: قايتالاما نارىقتان پاتەر الۋعا بولادى

استانا. قازاقپارات - «باسپانا-حيت» اتتى جاڭا يپوتەكامەن قايتالاما نارىقتان پاتەر الۋعا بولادى، دەپ حابارلايدى قازاقپارات ءتىلشىسى.

«باسپانا» يپوتەكالىق كومپانياسىنىڭ باسشىسى قايرات التىنبەكوۆتىڭ ايتۋىنشا، العاشقى جارنانىڭ كولەمى وزگەرمەيدى. الايدا پروتسەنتتىك مولشەرلەمە ۇلتتىق بانكتىڭ ستاۆكاسىنا بايلانىستى بولادى.

«ماسەلەن، ۇلتتىق بانكتىڭ بازالىق ستاۆكاسى 9 پروتسەنتتى قۇرايدى. وعان تاعى 1,7 پروتسەنت قوسىلادى. وسىلايشا، «باسپانا-حيت» باعدارلاماسى بويىنشا پروتسەنتتىك مولشەرلەمە 10,7 بولادى. يپوتەكا مەرزىمى - 15 جىل. ال باستاپقى جارنانىڭ مولشەرى 20 پروتسەنت بولىپ قالا بەرەدى»، - دەدى ق. التىنبەكوۆ استانادا وتكەن باسپا ءسوز ءماسليحاتىندا.

ونىڭ ايتۋىنشا، جاڭا يپوتەكانى العانعا دەيىن ۇلتتىق بانكتىڭ بازالىق ستاۆكاسى قۇبىلۋى مۇمكىن. الايدا نەسيەنى الىپ، بارلىق قۇجاتتاردى راسىمدەگەننەن كەيىن قارىزدىڭ مولشەرلەمەسى وزگەرمەيدى. قالاي كورسەتىلدى، سولاي ساقتالىپ قالادى.

«ءبىز جاڭا يپوتەكانى بەرە باستادىق. سەرىكتەس بانكتەرگە بارىپ، قۇجات تاپسىرساڭىزدار بولادى»، - دەپ اتاپ كورسەتتى ق. التىنبەكوۆ.