قازاقستاندا «7-20-25» باعدارلاماسى باستالدى
«بۇگىننەن باستاپ باعدارلاما ىسكە اسا باستايدى. ەكىنشى دەڭگەيلى بانكتەرمەن كەلىسىمدەرگە قول قويىلدى. الماتى، استانا، اتىراۋ، ورال قالالارىندا العاشقى يپوتەكالىق قارىزدار بەرىلۋدە»، - دەدى دانيار اقىشەۆ.
ونىڭ ايتۋىنشا، جاڭا باعدارلاما قازاقستاندىقتار تاراپىنان باسپاناعا سۇرانىستى ارتتىرىپ، قۇرىلىسقا تىڭ سەرپىن بەرمەك.
ايتا كەتسەك، ق ر ۇلتتىق بانكى ءتوراعاسى اتالعان باعدارلامانىڭ وپەراتورى «باسپانا» يپوتەكالىق ۇيىمى بولاتىنىن 5- مامىردا ايتقان ەدى.
ۇلتتىق بانك بەكىتكەن باعدارلاما بويىنشا يپوتەكالىق قارىزدار %7 جىلدىق مولشەرلەمەمەن 25 جىلعا بەرىلەدى. كەلەسى شارتتارىنىڭ ءبىرى - العاشقى سالىم %20 بولماق. جاڭا يپوتەكالىق زايمداردى ق ر كەز-كەلگەن ازامات الا الادى.
ول ءۇشىن ەڭ باستى شارت - ادامنىڭ باسىندا جىلجىمايتىن مۇلكى بولماۋى كەرەك. باعدارلاما بويىنشا قازاقستاننىڭ كەز-كەلگەن وڭىرىنەن الماتى، استانا، اتىراۋ قالالارىنان ەڭ ماكسيمالدى 25 ميلليون تەڭگەگە، قالعان وڭىرلەردە 15 ميلليون تەڭگەگە باسپانا ساتىپ الۋعا بولادى.
