جاڭا «7-20-25» باعدارلاماسىنا بايلانىستى «نۇرلى جەرگە» وزگەرىس ەنگىزىلدى
بۇل تۋرالى و ك ق- دا وتكەن باسپا ءسوز ءماسليحاتىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى «قازاقپارات» ح ا ا ءتىلشىسى.
مەملەكەت باسشىسىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنا بايلانىستى ءوزى جەتەكشىلىك ەتەتىن مينيسترلىكتىڭ جۇمىسىن بايانداعان جەڭىس قاسىمبەك تۇرعىن ءۇي وزەكتى ماسەلە رەتىندە كۇن تارتىبىنەن تۇسپەيتىنىن اتاپ ءوتتى.
«بىلتىر «نۇرلى جەر» باعدارلاماسىن ىسكە اسىرۋدىڭ ناتيجەسىندە 100 مىڭنان استام وتباسى جاڭا باسپاناعا قول جەتكىزدى. 2017 -جىلدىڭ قورىتىندىسى بويىنشا قازاقستاندا پايدالانۋعا بەرىلگەن تۇرعىن ءۇي كولەمى 11 ميلليون شارشى مەتردەن استى. ياعني، 2016 -جىلعا قاراعاندا بۇل كورسەتكىش 6,2 پايىزعا جوعارى. ەستەرىڭىزدە بولسا، بۇرىن ك س ر و كەزىندە «تۇرعىن- ءۇي - 91» دەگەن باعدارلاما بولعان. سول كەزدە قازاقستاندا جىلىنا 6,5 ميلليون شارشى مەتر تۇرعىن ءۇي ىسكە قوسىلاتىن. وتكەن جىلدا 11 ميلليوننان استام شارشى مەتر تۇرعىن ۇيمەن 100 مىڭنان استام وتباسىنى باسپانامەن قامتۋعا قول جەتكىزدىك. بۇل تۇرعىن ءۇي قۇرىلىسىن ىسكە اسىرعان جىلدارداعى ەڭ جوعارعى كورسەتكىش»، - دەدى جەڭىس قاسىمبەك.
مينيستر ءوز سوزىندە قۇرىلىس جۇرگىزۋدىڭ جاڭا ادىستەرىن جۇزەگە اسىرۋ، جوبالاۋدى ءتيىمدى تۇردە قاراستىرۋ جۇمىسى باستالىپ كەتكەنىن اتاپ ءوتتى. ونىڭ ايتۋىنشا، مەملەكەت باسشىسىنىڭ جولداۋىندا كورسەتىلگەن تاپسىرمالارعا سايكەس، ءۇي قۇرىلىسىن جۇرگىزۋدىڭ جاڭا ستاندارتتارىن ەنگىزۋ جۇكتەلگەن. قازىرگى تاڭدا مينيسترلىك ەۋروكودتاردى ەنگىزۋ جۇمىسىن قىزۋ جۇرگىزۋدە.
«مەملەكەت باسشىسىنىڭ جاريالاعان «بەس الەۋمەتتىك باستاماسىنا» ساي، ءبىز وسى ايدا «نۇرلى جەر» باعدارلاماسىنا «7-20-25» جاڭا يپوتەكالىق باعدارلاماسىن ەسەپكە الا وتىرىپ، وزگەرىس ەنگىزۋدى كوزدەپ وتىرمىز. قىسقاشا ايتار بولسام، جاڭا باعدارلاما اياسىندا نەسيە بويىنشا سىياقىنىڭ ستاۆكاسى جىلىنا 7 پايىزعا دەيىن تومەندەپ، العاشقى سالىم 20 پايىزدان اسپاي، ال اي سايىن ءۇي تولەمىن وتەۋدى جەڭىلدەتۋ ءۇشىن نەسيەنىڭ مەرزىمى 25 جىلعا دەيىن ۇزارتىلاتىن بولادى. بۇل مەحانيزم ارقىلى ءاربىر جۇمىس ىستەيتىن ادام نەسيەگە پاتەر الا الادى. قازاقستاندىقتاردىڭ كوبىنىڭ ءتيىمدى شارتتار ارقىلى باسپانا ساتىپ الۋعا مۇمكىندىگى بولادى. بيىلعى جىلدىڭ ەكىنشى جارتىسىندا بارلىق ساناتتاعى ازاماتتار ءۇشىن العاشقى ارزان يپوتەكا بەرىلەدى»، - دەدى جەڭىس قاسىمبەك.
