«7-20-25» باعدارلاماسىنىڭ 2024-جىلعى بيۋدجەتى بەكىتىلدى

  2023 -جىلعى 25-جەلتوقساندا ۇلتتىق بانك «7-20-25» يپوتەكالىق كرەديتتەۋ باعدارلاماسىن ىسكە اسىرۋ تۋرالى قاۋلى قابىلدادى، دەپ حابارلايدى Kazinform ق ر ۇ ب باسپا ءسوز قىزمەتىنە سىلتەمە جاساپ.

«2023 -جىلعى 25-جەلتوقساندا ۇلتتىق بانك باسقارماسىنىڭ № 104 قاۋلىسى قابىلداندى، وندا:

— 2024-جىلى باعدارلامانى قارجىلاندىرۋدىڭ جىلدىق كولەمىن رۇقسات ەتىلگەن ەڭ جوعارى دەڭگەيدە 100 ميلليارد تەڭگە مولشەرىندە بەلگىلەۋ جانە بيۋدجەتتى توقسان سايىن 25 ميلليارد تەڭگەدەن ءبولۋ؛

— باعدارلاما بويىنشا 2024 -جىلعى 1-قاڭتاردان باستاپ بەرىلگەن يپوتەكالىق قارىزدار بويىنشا تالاپ ەتۋ قۇقىقتارىن سەنىمگەرلىك باسقارعانى ءۇشىن بانكتەردىڭ سىياقىسىن جىلدىق %3 دان %2,5 عا دەيىن تومەندەتۋ كوزدەلەدى. بۇل تۇزەتۋ باعدارلاما وپەراتورى — «قازاقستاننىڭ ورنىقتىلىق قورى» ا ق مەن باعدارلاماعا قاتىسۋشى بانكتەر اراسىندا بەلگىلەنەتىن قۇقىقتىق قاتىناستاردى قوزعايدى جانە ازاماتتاردى كرەديتتەۋ شارتتارىنا اسەر ەتپەيدى» دەلىنگەن حابارلامادا.

ايتا كەتەيىك، باعدارلاما 2018-جىلى جۇمىس ىستەيتىن ازاماتتاردى 25-جىلعا دەيىنگى مەرزىممەن جانە %20 دان باستالاتىن باستاپقى جارنامەن %7 دىق جەڭىلدىكتى مولشەرلەمە بويىنشا قولجەتىمدى يپوتەكامەن قامتاماسىز ەتۋ ءۇشىن ىسكە قوسىلعان.

2023 -جىلعى 28-جەلتوقسانداعى جاعداي بويىنشا باعدارلاما اياسىندا 974,1 ميلليارد تەڭگەگە 71699 جەڭىلدىكتى قارىز بەرىلدى.

قاۋلىنىڭ تولىق ماتىنىمەن ق ر ۇ ب سايتىندا تانىسۋعا بولادى.