الەمدە ءار 7 سەكۋند سايىن جاسى 15 كە جەتپەگەن قىزدار تۇرمىسقا شىعادى

مۇنى عالىمدار ارنايى زەرتتەۋ جۇمىسى بارىسىندا جاريالاپ وتىر.

بۇل تۋرالى BBC حابارلايدى.

Save the Children ۇيىمىنىڭ زەرتتەۋىنە قاراعاندا اسىرەسە اۋعانستان، يەمەن، سومالي ەلدەرىندە قىزداردى ماجبۇرلەپ ەرتە كۇيەۋگە بەرەدى ەكەن. وسىلايشا ەرتە جاسالعان نەكە كەسىرىنەن قىزدار ءبىلىم الىپ، مەكتەپكە بارا المايدى.

ەركىندىككە ۇمتىلىپ، ءبىلىم الماقشى بولعان قىزدار زورلىقتىڭ، ءتۇرلى ەرسى ارەكەتتەردىڭ قۇربانىنا اينالادى ەكەن. وسىنىڭ كەسىرىنەن ولار ەرتە جۇكتى بولىپ، ءتۇرلى اۋرۋلار جۇقتىرادى.

دەرەكتەر بويىنشا، مۇنداي ەرتە نەكە جاعدايى كوبىنەسە كەدەي ەلدەردە ورىن الادى. كوپ رەتتە اتا- انالار قىزدارىن كەدەيلىكتەن قۇتقارۋ ءۇشىن وسىلاي ەرتە كۇيەۋگە بەرۋگە ءماجبۇر. ول ەلدەر قازىرگى تاڭدا سوعىس قاقتىعىس قيمىلدارىنان زارداپ شەگىپ وتىر.