الماتىدا 7 وقۋشى 130 بالدان جوعارى جينادى

الماتى. قازاقپارات - الماتىدا التى كۇنگە سوزىلعان ۇ ب ت ناتيجەسىندە 7 وقۋشى 130 دان جوعارى بال جينادى.

بۇل تۋرالى قالالىق ءبىلىم بەرۋ باسقارماسى باسشىسىنىڭ ورىنباسارى قايرات جۇمانوۆ ايتتى، دەپ حابارلايدى قازاقپارات ءتىلشىسى.

«الماتىدا 7 وقۋشى 130 بالدان جوعارى ۇپاي جيناعان»، - دەدى ق. جۇمانوۆ.

ونىڭ ايتۋىنشا، قازىر تەست تاپسىرعاندار اراسىندا تىيىم سالىنعان زاتتى الىپ وتكەندەردى تەكسەرىپ جاتىر. 25-تامىزعا دەيىن اۋديتوريالاردىڭ ۆيدەوجازباسى تەكسەرىلەدى. ەگەر تۇلەكتەردىڭ ەرەجە بۇزعانى انىقتالسا، ۇ ب ت ناتيجەسى مەن گرانتى تەرىسكە شىعارىلادى.

«كەز كەلگەن ەلەكتروندى بۇيىمدار: بايلانىس قۇرالدارى، باسپا ماتەريالدارىن الىپ كىرۋگە تىيىم سالىنعان. ەگەر تۇلەكتەر وسىنداي زاتتى قولدانعانى انىقتالسا اكت تولتىرىلىپ، ول بيىل تەستىلەۋگە كىرمەيدى. 6 كۇندە الماتىدا 101 تۇلەك اكادەميالىق ەرەجەلەردى بۇزعان»، - دەدى ول. الماتىدا 21-26-ماۋسىم ارالىعىندا سانيتارلىق تالاپتاردىڭ بۇزىلۋى تىركەلمەدى.

اۆتور: الما مۇقانوۆا