قازاقستانداعى ج ءى ءو ءوسىمى 7 ايدا %1,5 عا تومەندەدى - ب. ساعىنتايەۆ

استانا. قازاقپارات - بۇگىن مەملەكەت باسشىسى نۇرسۇلتان نازاربايەۆتىڭ توراعالىعىمەن اقوردادا ەكونوميكالىق ساياساتتىڭ جۇيەلى شارالارى تۋرالى كەڭەس ءوتتى، دەپ حابارلايدى پرەزيدەنتتىڭ باسپا ءسوز قىزمەتى.
None
None

كەڭەستە ءسوز العان پرەمەر- ءمينيستردىڭ ءبىرىنشى ورىنباسارى باقىتجان ساعىنتايەۆ الەمدىك ەكونوميكاداعى جاعدايدىڭ قيىنداۋىنا بايلانىستى، وسى جىلدىڭ 7 ايىندا ەلدەگى ءج ءى ءو ءوسىمى% 1,5 عا تومەندەگەنىن اتاپ ءوتتى. سونىمەن قاتار، پرەمەر- ءمينيستردىڭ ءبىرىنشى ورىنباسارى اتاپ وتكەندەي، رەسەي رۋبلىنىڭ قۇنسىزدانۋى وتاندىق ازىق- تۇلىك ونەركاسىبى مەن اۋىل شارۋاشىلىعىن وندىرۋشىلەردىڭ جۇمىسىندا قوسىمشا قيىندىقتار تۋعىزعان.

«وسىعان بايلانىستى، ءسال ەرتەرەك وسىمدىك شارۋاشىلىعىنا باعىتتالعان 6 ميلليارد تەڭگە ءسۇت، قۇس ەتى، جۇمىرتقا، شوشقا ەتىنىڭ ءوندىرىسىن سۋبسيديالاۋعا قايتا بولىنەتىن بولدى. وسىنىڭ ارقاسىندا، ءوندىرىس كولەمىن 10 پايىزدان جوعارىلاتىپ، قۇس شارۋاشىلىعى بويىنشا 12 مىڭنان اسا جۇمىس ورنىن ساقتاپ قالا الامىز» ، - دەدى ب. ساعىنتايەۆ.

 سونىمەن قاتار، ب. ساعىنتايەۆ اتاپ وتكەندەي، سالالىق باعدارلامالارعا بولىنگەن قارجىنىڭ يگەرىلۋىنە مونيتورينگ جاسالعان.

 «ءبىز «نۇرلى جول» باعدارلاماسى بويىنشا 73 ميلليارد تەڭگەنىڭ يگەرىلمەي قالۋ قاۋپىن انىقتادىق. سوندىقتان، بۇل قاراجاتتى ءتيىمدى جۇزەگە اسىرىلىپ جاتقان باعىتتارعا ءبولىپ بەرۋدى ءجون سانادىق. مىسالى، 8,8 ميلليارد تەڭگە «استانا- پاۆلودار- وسكەمەن» تاس جولىنىڭ قۇرىلىسىنا قايتا بولىنەدى. تاعى 6,6 ميلليارد تەڭگەنى تۇرعىن- ءۇي كوممۋنالدىق كەشەنىن جاڭعىرتۋعا ءبولۋدى كوزدەپ وتىرمىز» ، - دەپ اتاپ ءوتتى ب. ساعىنتايەۆ.

 

اۆتور: كەنجەكەي توقتامۇرات قىزى

سوڭعى جاڭالىقتار