الماتىدا مەتروداعى پويىزداردىڭ ءجۇرۋ ارالىقتارى 6 مينۋتقا دەيىن قىسقارادى
ەربولات دوسايەۆتىڭ ايتۋىنشا، مەگاپوليستە قوعامدىق كولىكتىڭ ساپاسى مەن جىلدامدىعىنا قويىلاتىن تالاپتار وسۋدە.
«وتكەن جىلدىڭ مامىر ايىندا 2 جاڭا ستانسيا اشىلعاننان كەيىن جولاۋشىلار اعىنى كۇن سايىن 35 مىڭنان 90 مىڭعا دەيىن 2,6 ەسەگە ءوستى. اعىمداعى جىلدىڭ قىركۇيەك ايىنان باستاپ 3 جىلجىمالى سوستاۆ قوسىلادى، بۇل قوزعالىس ارالىعىن 6 مينۋتقا دەيىن تومەندەتۋگە مۇمكىندىك بەرەدى»، - دەدى الماتى اكىمى ەربولات دوسايەۆ.
ونىڭ ايتۋىنشا، مەترونىڭ مەگاپوليستە سۇرانىسقا يە بولۋى جەراستى مارشرۋتتارى جەلىسىنىڭ ۇلعايۋىمەن جولاۋشىلار اعىنىنىڭ ءوسۋىن دالەلدەيدى.
قالا باسشىسى 2025 -جىلى «قالقامان» ستانسياسىنىڭ قۇرىلىسىن اياقتاۋ جوسپارلانعانىن، باتىس باعىتتا «بارلىق» بازارىنا دەيىن 3 جاڭا ستانسيانىڭ جوبالاۋ-سمەتالىق قۇجاتتاماسىن ازىرلەۋ جۇرگىزىلىپ جاتقانىن تىلگە تيەك ەتتى.
ەسكە سالايىق، بۇل تۋرالى ەربولات دوسايەۆ قر پرەزيدەنتى قاسىم-جومارت توقايەۆقا ەسەپ بەرۋ بارىسىندا ايتتى.
ايتا كەتەيىك، مەملەكەت باسشىسى 18-تامىز كۇنى الماتىعا ءىس ساپارمەن كەلگەن بولاتىن.
