قاڭتاردا ۇستالعان جاس جىگىتتى ازاپتاپ ولتىرگەن سەمەيلىك پوليتسەي 6 جىلعا سوتتالدى

سەمەي. قازاقپارات - سەمەي قالاسىنىڭ №2 سوتىندا پوليتسيا قىزمەتكەرى ازامات ا- عا قاتىستى قىلمىستىق ءىس قارالدى. ول ازاپتاۋ جانە قىزمەتتىك وكىلەتتىگىن اسىرا پايدالانعانى ءۇشىن ايىپتالعان، دەپ حابارلايدى قازاقپارات.

ءىس ق ك 146-بابىنىڭ 3- ءبولىمى، 362-بابىنىڭ 4- ءبولىمى بويىنشا قوزعالعان.

2022 -جىلعى 11- قاڭتاردا ساعات 01.00 شاماسىندا كومەندانتتىق ساعاتتى بۇزعانى ءۇشىن 1995 -جىلى تۋعان ازامات ە- ءنىڭ ۇستالعان.

پوليتسيا قىزمەتكەرى ا. كۇدىكتىنى پوليتسيا بولىمىنە اكەلگەننەن كەيىن ە- گە ازاپتاۋ قولدانىلىپ، ول قايتىس بولعان.

ا- نىڭ كىناسى سول كۇنى قۇقىق قورعاۋ ورگاندارىنىڭ قىزمەتكەرلەرى جاعىنان ازاپ قولدانىلعان كۋاگەردىڭ كورسەتۋلەرىمەن راستالدى.

سوتپەن قارالعان ءىس بويىنشا سوتتالۋشىنىڭ كىناسىن بەينەباقىلاۋ جازباسى، سوت- مەديتسينالىق ساراپتاما قورىتىندىسى جانە باسقا دا دالەلدەمەلەر راستايدى.

سوتتالۋشى وزىنە تاعىلعان ايىپتى مويىنداماي، اقتاۋدى سۇرادى.

پروكۋرور 3 جىل مەرزىمگە مەملەكەتتىك قىزمەت جانە قۇقىق قورعاۋ ورگاندارىندا قىزمەت اتقارۋ قۇقىعىنان ايىرا وتىرىپ، 10 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.

سونىمەن قاتار پروكۋرور ا- نى «پوليتسيا كاپيتانى» ارناۋلى اتاعىنان ايىرىپ، 10 ميلليون تەڭگە كولەمىندە مورالدىق شىعىندى ءوندىرۋدى تالاپ ەتتى.

جابىرلەنۋشى (مارقۇمنىڭ اعاسى) پروكۋروردىڭ ۇستانىمىمەن كەلىستى.

سوت ازامات ا- نى ق ك 146- بابىنىڭ 3 - ولىمىمەن (ازاپتاۋ) كىنالى دەپ تانىدى. ق ك 362- بابىنىڭ 4- ءبولىمى بويىنشا شەكتەن تىس تاعىلعان ايىپپەن الىپ تاستالدى.

سوت ا- نىڭ اسىراۋىندا جاس بالالار بار ەكەنىن جەڭىلدەتەتىن ءمان- جاي دەپ تانىپ، توتەنشە جاعدايدا قىلمىس جاساعانىن جانە انتىن بۇزعانىن اۋىرلاتاتىن ءمان- جاي دەپ تانىدى.

بۇكىل ءمان- جايدى ەسكە الا وتىرا، سوت سوتتالۋشى ا- نى 3 -جىل مەرزىمگە مەملەكەتتىك قىزمەت جانە قۇقىق قورعاۋ ورگاندارىندا قىزمەت اتقارۋ قۇقىعىنان ايىرا وتىرىپ، «پوليتسيا كاپيتانى» ارناۋلى اتاعىنان ايىرىپ جانە جابىرلەنۋشىنىڭ پايداسىنا 9 ميلليون تەنگە مورالدىق شىعىن ءوندىرۋ ارقىلى 6 جىلعا باس بوستاندىعىنان ايىرۋ جازاسىن تاعايىندادى.

ۇكىم زاڭدى كۇشىنە ەنگەن جوق.