22:35, 01 - تامىز 2023 | GMT +5
الانيادا جول اپاتىنا ۇشىراعان 6 وتانداسىمىز بۇگىن ەلگە ورالادى
استانا. قازاقپارات - سىرتقى ىستەر مينيسترلىگى تۇركيادا جول اپاتىنان زارداپ شەككەن قازاقستاندىقتاردىڭ جاعدايى تۋرالى سوڭعى مالىمەتتى ءبولىستى، دەپ حابارلايدى قازاقپارات ءتىلشىسى.

«قازىرگى تاڭدا الانياداعى جول اپاتىنان كەيىن ەمدەلىپ جاتقان 11 قازاقستاندىقتىڭ ىشىنەن 6 ازاماتىمىز ەمحانادان شىعارىلدى. ولار بۇگىن تۇندە قازاقستانعا ورالادى. قالعان 5 ازامات دارىگەرلەردىڭ باقىلاۋىندا قالىپ، قاجەتتى ەم الۋىن جالعاستىرىپ جاتىر. ولاردىڭ جاعدايى ءبىرقالىپتى»، - دەلىنگەن ۆەدومستۆونىڭ رەسمي مالىمەتىندە.
اقپاراتتا ايتىلعانداي، بارلىق ەم شىعىندارى ساقتاندىرۋ پوليستەرى ارقىلى تولەنەدى.
«قازاقستاندىق ديپلوماتتار قايتىس بولعان وتانداسىمىزدىڭ جاقىن تۋىستارىنا قاجەتتى كومەك كورسەتىپ جاتىر. ءتيىستى قۇجاتتاردى راسىمدەگەننەن كەيىن وتانداسىمىزدىڭ دەنەسى جاقىن ارادا قازاقستانعا جەتكىزىلەدى دەپ كۇتىلىپ وتىر»، - دەيدى مينيسترلىكتەن.
ايتا كەتەيىك، كەشە الانياداعى جول اپاتىنان اۋىر جاراقات العان قازاقستاندىق تۋريست قايتىس بولدى.