09:33, 18 - ماۋسىم 2023 | GMT +6
شەكارادان 6 ميلليون تەڭگەنىڭ تەمەكىسىن الىپ وتپەك بولعاندار ۇستالدى
استانا. قازاقپارات - جامبىل وبلىسىندا شەكارادان 6 ميلليون تەڭگەنىڭ تەمەكىسىن الىپ وتپەك بولعاندار ۇستالدى، دەپ حابارلايدى قازاقپارات ۇلتتىق قاۋىپسىزدىك كوميتەتى باسپا ءسوز قىزمەتىنە سىلتەمە جاساپ.
شەكارا قىزمەتىنىڭ جامبىل وبلىسى بويىنشا دەپارتامەنتى قورداي اۋدانى بويىنشا شەكارا باسقارماسى «قاراساي باتىر» شەكارا بولىمشەسىنىڭ اسكەري قىزمەتشىلەرى 10- ماۋسىمدا مەملەكەتتىك شەكارانىڭ قازاقستان-قىرعىز ۋچاسكەسىندە جالپى سوماسى 6 ميلليون تەڭگەدەن اسىپ تۇسەتىن تاۋارلاردى زاڭسىز الىپ ءوتۋ فاكتىسىنىڭ جولىن كەستى (سانى 19 قوراپ بولاتىن تەمەكى ستيكتەرى).
ۋاكىلەتتى ورگاندار وسى قۇقىق بۇزۋشىلىق ءىس-ارەكەتكە قاتىسى بار ادامداردى انىقتاۋ بويىنشا شارالارىن جۇرگىزىپ جاتىر.
