بيىل ەلىمىزدە 6 الەمدىك ۋنيۆەرسيتەتتىڭ فيليالى اشىلادى
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءمالىم ەتتى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرماسىنا سايكەس ەلىمىزدە الەمدىك دەڭگەيدەگى ۋنيۆەرسيتەتتتەردىڭ فيليالى اشىلىپ جاتىر. بۇل باعىتتاعى جۇمىس جالعاسىن تابادى. بىلتىر ەلىمىزدە شەتەلدىك 4 جوعارى وقۋ ورنىنىڭ فيليالى اشىلدى، بيىل 6 فيليال اشىلادى. اتاپ ايتقاندا، قورقىت اتا اتىنداعى قىزىلوردا ۋنيۆەرسيتەتى جانىنان سەۋل ۇلتتىق عىلىم جانە تەحنولوگيا ۋنيۆەرسيتەتىنىڭ فيليالى اشىلماق. 18-19-مامىردا مەملەكەت باسشىسىنىڭ قىتاي ەلىنە ساپارى جوسپارلانىپ وتىر. سونىڭ اياسىندا قىتايدىڭ ۇلتتىق تيانجيڭ جانە شيان تەحنولوگيالىق ۋنيۆەرسيتەتىمەن فيليال اشۋ تۋرالى كەلىسىمگە قول قويىلماق»، - دەدى ساياسات نۇربەك استانادا ءوتىپ جاتقان ازيا ۋنيۆەرسيتەتتەرى اليانسىنىڭ فورۋمى بارىسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، الداعى 3-5 جىلدىڭ ىشىندە جوعارى ءبىلىمنىڭ مازمۇنى مەن كەلبەتى ايتارلىقتاي وزگەرەدى. جوعارى ءبىلىم بەرۋ سالاسىندا باسەكە ارتادى.
«ءبىزدىڭ جاستار الەمنىڭ الدىڭعى قاتارلى ۋنيۆەرسيتەتتەرىنىڭ فيليالىندا ءبىلىم الۋ مۇمكىندىگى بار. ولاردىڭ اراسىندا ا ق ش، ۇلى بريتانيا، گەرمانيا، قىتاي، وڭتۇستىك كورەيا، تۇركيا جانە تاعى باسقا ەلدەردىڭ ج و و بار»، - دەيدى ۆەدومستۆو باسشىسى.
بۇعان دەيىن ۇكىمەت باسشىسى ءاليحان سمايىلوۆ 2029 -جىلعا قاراي ەلىمىزدە الەمدىك 9 ۋنيۆەرسيتەتتىڭ فيليالى اشىلاتىنى تۋرالى ايتقان ەدى.
ايتا كەتەيىك، استانادا ازيا ۋنيۆەرسيتەتتەرى اليانسىنىڭ فورۋمى ءوتىپ جاتىر.