ازەربايجان پرەزيدەنتىنىڭ قازاقستانعا رەسمي ساپارى اياسىندا 6 قۇجاتقا قول قويىلدى

استانا. قازاقپارات - ازەربايجان پرەزيدەنتىنىڭ استاناعا رەسمي ساپارى اياسىندا مىناداي قۇجاتتارعا قول قويىلدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

1. قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى مەن ازەربايجان رەسپۋبليكاسىنىڭ جاستار جانە سپورت مينيسترلىگى اراسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم؛

2. قازاقستان رەسپۋبليكاسىنىڭ «وتانداستار قورى» كوممەرتسيالىق ەمەس اكسيونەرلىك قوعامى مەن ازەربايجان رەسپۋبليكاسىنىڭ دياسپورامەن جۇمىس جونىندەگى مەملەكەتتىك كوميتەتى اراسىنداعى ءوزارا تۇسىنىستىك تۋرالى مەموراندۋم؛

3. قازاقستان رەسپۋبليكاسىنىڭ ۇلتتىق عىلىم اكادەمياسى مەن ازەربايجان ۇلتتىق عىلىم اكادەمياسى اراسىنداعى عىلىمي ىنتىماقتاستىق بويىنشا ءوزارا تۇسىنىستىك تۋرالى مەموراندۋم؛

4. «قازاقستان رەسپۋبليكاسى پرەزيدەنتىنىڭ تەلەراديوكەشەنى» كوممەرتسيالىق ەمەس اكسيونەرلىك قوعامى مەن ازەربايجان مەملەكەتتىك اقپارات اگەنتتىگى اراسىنداعى ىنتىماقتاستىق جانە ءوزارا تۇسىنىستىك تۋرالى مەموراندۋم؛

5. «قازاقستاننىڭ سىرتقى ساۋدا پالاتاسى» جاۋاپكەرشىلىگى شەكتەۋلى سەرىكتەستىگى مەن ازەربايجان رەسپۋبليكاسىنىڭ شاعىن جانە ورتا بيزنەستى دامىتۋ اگەنتتىگى اراسىنداعى ءوزارا تۇسىنىستىك تۋرالى مەموراندۋم؛

6. قولدانبالى ەتنوساياسي زەرتتەۋلەر ينستيتۋتى مەن باكۋ حالىقارالىق مۋلتيمادەنيەتتىلىك ورتالىعى اراسىنداعى عىلىمي جانە مادەني ىنتىماقتاستىق تۋرالى مەموراندۋم.

وسىعان دەيىن قازاقستان مەن ازەربايجان ەكسپورتتىق-يمپورتتىق تاۋارلار ءتىزىلىمىن كەڭەيتۋگە ۋاعدالاسقانى حابارلاندى.