ماڭعىستاۋدا 6 قارجى پيراميداسىنا قىلمىستىق ءىس قوزعالدى
كەيبىر قارجى پيراميداسى ءوزىن حالىقارالىق كومپانيانىڭ فيليالى رەتىندە كورسەتىپ، ادىلەت ورگاندارىندا تىركەۋسىز جۇمىس ىستەگەن.
مىسالى World Business Consulting قارجى پيراميداسىنىڭ جۇمىس سحەماسى «50 دەن 50 گە» باعدارلاماسى بويىنشا اقشا سالۋدان تۇرعان.
الاياقتىق جولمەن سالىمشىلار مەن «ەۋرازيا كاپيتال» ميكروقارجى ۇيىمى» ج ش س اراسىندا جالعان شارتتار جاسالعان.
وندا قارجىلىق پيراميدا ۇيىمداستىرۋشىسى اي سايىن بەرىلگەن قارىز بويىنشا ءاربىر شارتتان پايىزدىق ۇستەمەاقى العان.
ءىس شەڭبەرىندە جالپى قۇنى 651 ميلليون تەڭگە بولاتىن مۇلىك بۇعاتتالدى.
«قازىرگى ۋاقىتتا ءىس سوتتا قارالىپ جاتىر. «اتامەكەن 2021» باسشىلىعىنا قاتىستى ءىس بويىنشا گ. شاگيروۆاعا 28 ادام شاعىم ءبىلدىرىپ، سالىمنىڭ جالپى سوماسى 48 ميلليون تەڭگەنى قۇرادى. ءىس بارىسىندا سالىمشىلارعا 44 ميلليون تەڭگە وتەلدى»، - دەيدى ماڭعىستاۋ وبلىسى ەكونوميكالىق تەرگەۋ دەپارتامەنتىنىڭ اعا تەرگەۋشىسى بەردى قۋانىش ۇلى.
