ەلىمىزدىڭ 6 وڭىرىندە ونەركاسىپ ءوندىرىسىنىڭ كولەمى تومەندەدى

استانا. قازاقپارات - قازاقستاندىق ونەركاسىپ ورىندارى بيىل قاڭتاردا 3653 ميلليارد تەڭگەنىڭ ءونىمىن ءوندىردى.

ونىڭ ىشىندە كەن ءوندىرۋ سالاسىنا تيەسىلى ۇلەس 1881 ميلليارد تەڭگە بولسا، 1470 ميلليارد تەڭگە وڭدەۋ ونەركاسىبىنەن كەلدى.

بۇل تۋرالى قازاقپارات ءتىلشىسى ۇلتتىق ستاتيستيكا بيۋروسىنا سىلتەمە جاساپ حابارلايدى.

ۇ س ب ۇسىنعان مالىمەت بويىنشا وڭدەۋ ونەركاسىبىندە ءوندىرىس كولەمى ارتقان. ياعني وتكەن جىلدىڭ سايكەس كەزەڭىمەن سالىستىرعاندا %1,6 عا ءوسىم بايقالدى.

ءوندىرىس كولەمىندەگى وڭ ديناميكا ەلىمىزدىڭ 14 وڭىرىندە تىركەلدى. ال اقتوبە، باتىس قازاقستان، قاراعاندى، قوستاناي، شىعىس قازاقستان وبلىستارى مەن ەلوردادا كورسەتكىشتەر كەرىسىنشە تومەندەگەن.

ونەركاسىپتىڭ نەگىزگى سالالارىنىڭ ىشىندە ەلەكتر ەنەرگياسى، گاز، بۋ، ىستىق سۋ جانە اۋا باپتاۋمەن بايلانىستى جابدىقتاۋدا ايتارلىقتاي ءوسىم بايقالعان.