تاعى ءبىر ەلدە 6 بالدىق جەر سىلكىنىسى بولدى

مانيلا. شينحۋا - قازاقپارات - بەيسەنبى كۇنى تاڭەرتەڭ فيليپپيندە ماگنيتۋداسى 6,0 بولاتىن جەر سىلكىنىسى بولدى.

بۇل تۋرالى فيليپپيننىڭ ۆۋلكانولوگيا جانە سەيسمولوگيا ينستيتۋتى مالىمەت تاراتتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

جەراستى دۇمپۋلەرى جەرگىلىكتى ۋاقىت بويىنشا 02:10-دا تىركەلگەن، وشاعى لۋسون ارالىنداعى ماسباتە پروۆينتسياسىنىڭ باتۋان قالاسىنان وڭتۇستىك- باتىسقا قاراي 11 شاقىرىمداي جەردە 10 ك م تەرەڭدىكتە بولعان.

جەراستى دۇمپۋلەرى لۋسون مەن فيليپپيننىڭ ورتالىق بولىگىندە، سونىڭ ىشىندە الباي پروۆينتسياسىنداعى لەگاسپي قالاسىندا، سورسوگون، سولتۇستىك سامار، باتىس نەگروس جانە وڭتۇستىك لەيتەدە دە سەزىلدى.

زارداپ شەككەندەر تۋرالى اقپارات تۇسكەن جوق.

ا ق ش گەولوگيالىق قىزمەتى جەر سىلكىنىسىنىڭ ماگنيتۋداسى 6,1، تەرەڭدىگى 20 ك م دەپ باعالادى.