اۆتونەسيە باعدارلاماسى 6-اقپاندا باستالادى. قالاي ونلاين ءوتىنىش بەرۋگە بولادى؟
«ونەركاسىپتى دامىتۋ قورى» ا ق جەڭىلدەتىلگەن اۆتونەسيەلەۋ باعدارلاماسى بويىنشا وتىنىمدەردى قابىلداۋ پلاتفورماسىن ىسكە قوسادى. وتىنىمدەر 6-اقپاندا ساعات 10.00-دەن باستاپ www.autonesie.kz رەسمي سايتىندا قابىلدانادى.
ءوتىنىم بەرۋ ءۇشىن ەتسق تالاپ ەتىلەدى، سونداي-اق اۆتووندىرۋشىلەردى الدىن الا تاڭداۋ شارت. پلاتفورمادا تەك قازاقستان اۋماعىندا تىركەلۋگە بولادى.
سايتتا ءوتىنىم بەرگەن كەزدە ءوتىنىش بەرۋشىنىڭ دەرەكتەرى اۆتوماتتى تۇردە ەتسق ارقىلى قالىپتاسادى. ءوتىنىش بەرۋشى تەلەفون ءنومىرىن ەنگىزىپ، ءاۆتووندىرۋشىنى تاڭداپ، وتىنىمگە قول قويۋى كەرەك. ءوتىنىمنىڭ تىركەلۋ فاكتىسىن «جەكە كابينەت» ارقىلى تەكسەرە الادى.
«پلاتفورما تەك باعدارلاماعا قاتىسۋشىلاردىڭ پۋلىن جاسايدى. ديلەرلىك ورتالىقتاردا اۆتوكولىكتى جانە بانكتەردە كرەديت بەرۋ كەزەكتىلىگىن انىقتامايدى. ءوتىنىم بەرگەننەن كەيىن ءاۆتووندىرۋشىنى وزگەرتۋ مۇمكىن ەمەس»، - دەلىنگەن حابارلامادا.
جەڭىلدەتىلگەن اۆتونەسيەلەۋ باعدارلاماسى 2022 -جىلدىڭ مامىر ايىندا باستاۋ الدى. ونى ىسكە اسىرۋ ءۇشىن ەكىنشى دەڭگەيدەگى بانكتەرگە 100 ميلليارد تەڭگە ءبولىندى. بۇل قاراجاتقا 12,6 مىڭنان استام اۆتوموبيل ساتىپ الىندى. اۆتوكرەديتتىڭ ورتاشا مولشەرى - 7,8 ميلليون تەڭگە.
قولدانىستاعى اۆتوكرەديتتەردى وتەۋدەن جيناقتالعان قاراجات كولەمى 7,6 ميلليارد تەڭگەنى قۇرايدى. سول سەبەپتى پيلوتتىق پلاتفورما ىسكە قوسىلعاندا 761 ءوتىنىش بەرۋشى تىركەلە الادى. سودان كەيىن پلاتفورمادا وتىنىمدەردى قابىلداۋ اۆتوماتتى تۇردە توقتاتىلادى. ودان كەيىن پلاتوفورمادا اي سايىن جۇزدەن استام ءوتىنىش بەرۋشى تىركەلەدى.
وتىنىمدەر كەلەسى جاعدايدا قابىلدانباۋى مۇمكىن:
بۇعان دەيىن باعدارلاما اياسىندا اۆتونەسيە السا؛
پلاتفورمادا وزەكتى ءوتىنىمى بولسا.
پلاتفورما ءوتىنىم بەرۋشىلەر مەن اۆتووندىرۋشىلەرگە، سونداي-اق باعدارلاماعا قاتىسۋشى بانكتەرگە ءوتىنىمنىڭ مارتەبەسىن ءوتىنىم بەرىلگەن ساتتەن باستاپ اۆتوموبيل بەرىلگەنگە دەيىن ونلاين قاداعالاۋعا، سونداي- اق باعدارلامانى ىسكە اسىرۋدىڭ اشىقتىعىن قامتاماسىز ەتۋگە مۇمكىندىك بەرەدى.
جەڭىلدەتىلگەن اۆتونەسيەلەۋ باعدارلاماسىنىڭ شارتتارى وزگەرگەن جوق:
ءاۆتوموبيلدىڭ قۇنى - 15 ميلليون تەڭگەدەن اسپايدى؛
قارجىلاندىرۋ سوماسى - 10 ميلليون تەڭگەدەن ارتىق ەمەس؛
قارجىلاندىرۋ مەرزىمى - 7 جىلدان اسپايدى؛
باستاپقى جارنا - %0 باستاپ؛
كرەديت بەرۋ ۆاليۋتاسى - تەڭگە؛
سىياقى مولشەرلەمەسى - جىلدىق %4. بۇل رەتتە جىلدىق ءتيىمدى سىياقى مولشەرلەمەسى تۇپكىلىكتى قارىز الۋشىنىڭ اۆتوكولىكتى ساقتاندىرۋ جانە رەسىمدەۋ (ونىڭ ىشىندە كەپىلگە قويۋ) بويىنشا شىعىندارىن ەسكەرە وتىرىپ، جىلدىق %7,5 دان اسپاۋى ءتيىس؛
تۇپكىلىكتى قارىز الۋشىلار ساقتاندىرۋ جانە وتاندىق ءوندىرىستىڭ جەڭىل اۆتوكولىگىن كەپىلگە رەسىمدەۋ بويىنشا شىعىستاردى تولەيدى.
باعدارلاماعا «سارىارقااۆتوپروم» مەن Hyundai Trans Kazakhstan اۆتووندىرۋشىلەرى قاتىسادى.