شەتەلدەن اكەلىنگەن كولىكتەردى زاڭداستىرۋعا 6 اي بەرىلەدى
ءى ءى م اكىمشىلىك پوليسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.
مينيسترلىك وكىلىنىڭ ايتۋىنشا، پرەزيدەنتتىڭ وسى ماسەلەنى رەتتەۋ تۋرالى تاپسىرماسىن ورىنداۋ ءۇشىن سالىق كودەكسى مەن ەكولوگيالىق كودەكسكە تۇزەتۋلەر ەنگىزىلگەن. اتاپ ايتساق، سالىق كودەكسىندەگى تۇزەتۋ بويىنشا، زاڭداستىرۋعا جاتاتىن كولىكتى باستاپقى تىركەۋ ءۇشىن تولەنەتىن الىم 200 مىڭ تەڭگە ەتىپ بەلگىلەنبەك. ال، ەكولوگيالىق كودەكستەگى تۇزەتۋ بويىنشا كادەگە جاراتۋ تولەمى (ۋتيلدىك الىم - رەد.) الىپ تاستالماق.
«ىشكى ىستەر مينيسترلىگى شەتەلدەن اكەلىنگەن كولىكتەردى زاڭداستىرۋدىڭ ءتارتىبىن، مەرزىمى مەن شارتتارىن ايقىندايتىن ۇكىمەت قاۋلىسىنىڭ جوباسىن دايىندادى. قاجەتتى زاڭنامالىق وزگەرىستەر كۇشىنە ەنىپ، ءتيىستى ۇكىمەت قاۋلىسى قابىلدانعاننان كەيىن زاڭداستىرۋ باستالادى. زاڭداستىرۋدى 6 اي ىشىندە جۇرگىزۋ جوسپارلانىپ وتىر»، - دەدى اكىمشىلىك پوليتسيا كوميتەتىنىڭ باسشىسى.
بۇعان دەيىن قايسار سۇلتانبايەۆ مەملەكەت ۇسىنعان مۇمكىندىكتى پايدالانباي، شەتەلدىك كولىگىن زاڭداستىرماعان ادامداردىڭ ەكى- اق جولى بار ەكەنىن ايتقان بولاتىن. ەسكە سالساق، شەتەلدىك اۆتوموبيلدەردى زاڭداستىرۋ ءتارتىبىن بەلگىلەيتىن ۇكىمەت قاۋلىسىنىڭ جوباسى ازىرلەنگەن ەدى.
