كەلەسى جىلى 6 مىڭعا جۋىق جاسقا جەڭىلدەتىلگەن شاعىن نەسيە بەرىلەدى - مينيسترلىك

«جاستاردىڭ كاسىپكەرلىك باستامالارىن دامىتۋدىڭ جاڭا قۇرالى رەتىندە جەڭىلدەتىلگەن %2,5 ميكروكرەديت بەرۋ جوسپارلانىپ وتىر. وعان سايكەس 2023-جىلى 5,8 مىڭ جاسقا ميكروكرەديت بەرىلمەك. مەملەكەت جاستاردى جۇمىسپەن قامتۋ ماسەلەسىنە ەرەكشە نازار اۋدارادى. اتاپ ايتساق، جىل سايىن «جاستار پراكتيكاسى»، «العاشقى جۇمىس ورنى»، «جەڭىلدىكپەن كرەديتتەۋ» جانە «ديپلوممەن اۋىلعا» باعدارلامالارى سياقتى جوبالاردى ىسكە اسىرۋ شەڭبەرىندە رەسپۋبليكا بويىنشا 100 مىڭعا جۋىق جاس ەڭبەكپەن قامتىلادى»، - دەدى ولجاس وردابايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، حالىقتى ەڭبەكپەن قامتۋدىڭ تاعى ءبىر قۇرالى - نارىق سۇرانىسىنا قاراي ازاماتتاردى قىسقا مەرزىمدە وقىتۋ.

«اتالعان جوبانىڭ اياسىندا ازاماتتار جاڭا ماماندىق مەڭگەرىپ، وقۋ اياقتالعاننان كەيىن جۇمىسقا ورنالاسا الادى. جىل باسىنان بەرى 35,2 مىڭ ادام وقىتىلدى»، - دەيدى ول.

سونداي-اق، ۆيتسە-مينيستر مەملەكەت سۋبسيديالايتىن جۇمىسپەن قامتىلعان ازاماتتاردىڭ 36 پايىزى (161,5 مىڭ) جاستار ەكەنىن ايتتى.

بۇعان دەيىن حابارلاعانىمىزداي، بيىل ۇلتتىق جوبا اياسىندا 230 مىڭ ادام جۇمىسپەن قامتىلدى.