كوروناۆيرۋستى جۇقتىرۋ دەڭگەيى بەس وڭىردە 6 ەسەگە ءوستى
«باعالاۋ ماتريتساسىنا سايكەس، نۇر- سۇلتان قالاسى «سارى» ايماقتا، ال قالعان وڭىرلەر «جاسىل» ايماقتا تۇر. ك ۆ ي-دىڭ وسۋىنە بايلانىستى وڭىرلەردە ەپيدەميولوگيالىق باقىلاۋ مەن پروفيلاكتيكالىق جۇمىس كۇشەيتىلدى.
اۋرۋدىڭ ەڭ كوپ ءوسۋى ەلىمىزدىڭ 6 وڭىرىندە بايقالدى. بۇل ايماقتاردا سوڭعى ەكى اپتادا سىرقاتتانۋ 5 ەسە جانە ودان جوعارى دەڭگەيدە ءوستى. ونىڭ ىشىندە اقتوبە وبلىسىندا، باتىس قازاقستان وبلىسىندا، قاراعاندى وبلىسىندا، پاۆلودار وبلىسىندا، اقمولا وبلىسىندا 6 ەسە، ال قوستاناي وبلىسىندا 5 ەسە كوتەرىلىپ وتىر»، - دەدى ا. عينيات.
ونىڭ ايتۋىنشا، اۋرۋ 3-تەن 5 ەسەگە دەيىن وسكەن وڭىرلەردىڭ ەكىنشى توبىنا رەسپۋبليكانىڭ 5 ءوڭىرى ەندى. اۋرۋدىڭ 3 ەسەگە دەيىن ءوسۋى ەلىمىزدىڭ 6 وڭىردە انىقتالدى.
«سوڭعى اپتادا الماتى قالاسىندا ك ۆ ي- گە قاتىستى ەپيدەميولوگيالىق جاعداي تۇراقتاندى»، - دەدى مينيستر. بۇدان بۇرىن حابارلانعانداي، مينيستر قىركۇيەك ايىندا كوروناۆيرۋستىڭ تارالۋى تومەندەۋى مۇمكىن ەكەنىن ايتتى.
