تۇركىستان وبلىسىندا تراسساداعى ءتورت تۇلىكتىڭ كەسىرىنەن 6 ادام كوز جۇمعان
جالپى التى اي ىشىندە وبلىستا جول- كولىك وقيعالارىنىڭ سانى %4,7 ازايعان. ال، قازا بولعاندار سانى %3,1 تومەندەسە، جاراقات العانداردىڭ سانى 1,4 پايىزعا وسكەن.
ءتورت تۇلىگىن قاراۋسىز قالدىرعان 3635 مال يەلەرى قازاقستان رەسپۋبليكاسى ا ق ب ت ك-نىڭ 408-بابىمەن اكىمشىلىك جاۋاپكەرشىلىككە تارتىلعان.
«تۇركىستان وبلىسى جولدارىندا جول قوزعالىسىن رەتتەۋ شارالارى پوليتسەيلەردىڭ كۇن تارتىبىنەن تۇسكەن ەمەس. كولىكتەر مەن جولداردى زاماناۋي تەحنيكالىق قۇرالدارمەن، بەينەباقىلاۋ كامەرالارىمەن جابدىقتاۋ جۇمىستارى جولعا قويىلدى. مۇنىڭ ءوزى جۇگەنسىز جۇرگىزۋشىلەردى انىقتاۋدا ءتارتىپ ساقشىلارىنا تاپتىرماس كومەكشى بولۋدا. سونداي-اق، «قاۋىپسىز جول»، «ابايلاڭىز، بالالار!» سەكىلدى جەدەل- پروفيلاكتيكالىق ءىس- شارالار ۇيىمداستىرىلىپ، جول قاۋىپسىزدىگىن قامتاماسىز ەتۋ جۇمىسى جالعاسىپ جاتىر»، - دەيدى تۇركىستان وبلىسى پ د جەرگىلىكتى پوليتسيا قىزمەتى باسقارماسى باستىعىنىڭ ورىنباسارى پوليتسيا پودپولكوۆنيگى بەگىمحان احمەتوۆ.
