10:02, 17 - شىلدە 2022 | GMT +5
اقتاۋدا ساپبوردپەن تەڭىزدە ءجۇزىپ جۇرگەن 6 ادامدى اعىس الىپ كەتتى
اقتاۋ. قازاقپارات - اقتاۋدا ساپبوردپەن تەڭىزدە ءجۇزىپ جۇرگەن 6 ادامدى اعىس الىپ كەتتى. بۇل تۋرالى قازاقپارات lada.kz سايتىنا سىلتەمە جاساپ حابارلايدى.
15-شىلدە كۇنى كەشكىسىن تەڭىزدىڭ پريمورسكي تۇرعىن ءۇي الابىنا قارسى تۇسىندا ساپبوردپەن ءجۇزىپ جۇرگەن ءۇش ادام - 31 جاستاعى ەكى ادام، 29 جاستاعى ءبىر ادام سۋعا اعىپ كەتكەن.
وڭىرلىك توتەنشە جاعدايلار دەپارتامەنتى قۇتقارۋ وپەراتسياسىن جۇرگىزىپ، بارلىق ادام قۇتقارىلعان.
سول كۇنى كەشكە ساپبوردپەن ءجۇزىپ جۇرگەن تاعى 3 ادام قۇتقارىلىپ، امان قالدى. دارىگەرلەر ولارعا العاشقى كومەك كورسەتتى.
ءۇشىنشى قۇتقارۋ وپەراتسياسى ءتۇپقاراعان اۋدانى اقشۇقىر اۋىلىندا وتكەن. 2 ادام ۇرلەنەتىن قايىقپەن جاعاجايدان الىسقا سۋمەن اعىپ كەتكەن. قۇتقارىلعان ەر ادامدارعا جەدەل مەديتسينالىق كومەك ورتالىعىنىڭ قىزمەتكەرلەرى العاشقى جاردەم كورسەتكەن.
