قازاقستانعا جىل باسىنان بەرى 6 مىڭنان استام ادام كوشىپ كەلگەن

نۇر- سۇلتان. قازاقپارات - بيىل قاڭتار- مامىر ارالىعىندا ەلىمىزگە تۇرعىلىقتى تۇرۋعا 6227 ادام كەلگەن. ال، وسى ۋاقىت ىشىندە 9034 ادام قازاقستاننان شەت مەملەكەتتەرگە كەتكەن. مۇنداي دەرەكتەردى ۇلتتىق ستاتيستيكا بيۋروسى كەلتىردى، دەپ حابارلايدى قازاقپارات ءتىلشىسى.

«2022 -جىلعى قاڭتار- مامىردا ەلىمىزگە تۇرعىلىقتى تۇرۋعا كەلگەندەردىڭ سانى - 6227 ادام، ەلىمىزدەن كەتكەندەردىڭ سانى - 9034. كوشى- قون ايىرىمى - 2807 ادام»، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.

ستاتيستيكاعا سايكەس، ەلىمىزدەگى نەگىزگى كوشى- قون پروتسەسسى ت م د مەملەكەتتەرىمەن بايلانىستى. بيىلعى 5 ايدا ت م د ەلدەرىنەن كەلگەندەردىڭ كوشى- قون ۇلەسى - 85,1 پايىز، ال اتالعان مەملەكەتتەرگە ەلدەن كەتكەندەردىڭ ۇلەسى - 81 پايىز.

ۇلتتىق ستاتيستيكا بيۋروسى ىشكى كوشى- قون دەرەكتەرىن دە جاريالادى. وعان ساي، ءۇش وڭىردە ديناميكا بار. ولار: الماتى، نۇر- سۇلتان جانە شىمكەنت قالالارى. ماسەلەن، بەس اي ىشىندە الماتىعا 14481 ادام كوشىپ كەلسە، ەلوردا 12783 ادامعا تولىققان. ال، شىمكەنت تەرريتورياسىنا 1773 قازاقستاندىق كوشىپتى.

ايتا كەتەيىك، بۇعان دەيىن كوشى- قون زاڭناماسىن بۇزعان 98 شەتەل ازاماتى ەلدەن شىعارىلعانىن جازعان بولاتىنبىز.

اۆتور ءاليحان اسقار