الماتىدا 6 ساياباق سالىنادى

الماتى. قازاقپارات - الماتىدا قالا شەتىندە التى ساياباق سالىنادى. بۇل تۋرالى ب ا ق-قا ارنالعان باسپا ءسوز تۋرى بارىسىندا ايتىلدى، دەپ حابارلايدى قازاقپارات.
None
None

ساياباقتىڭ باسىم بولىگى الاتاۋ اۋدانىندا (زەردەلى، بورالداي، سايالى، وجەت شاعىن اۋداندارى)، سونداي-اق مەدەۋ (الاتاۋ ش. ا) جانە ناۋرىزباي اۋداندارىندا (قارعالى جاعالاۋىنىڭ بويىندا) اشىلادى. جاڭا ساياباقتار بالالار جانە سپورت الاڭدارىمەن، رەكرەاتسيالىق ايماقتارمەن جابدىقتالادى.

بۇگىندە قالادا جالپى الاڭى 631,2 گەكتار بولاتىن 211 ساياباق اۋماعى ورنالاسقان. قازىرگى ۋاقىتتا سەگىز نىساندى، ونىڭ ىشىندە ساياباقتاردى، سكۆەرلەردى جانە ت. ب. اباتتاندىرۋ، جوندەۋ جانە قايتا جاڭارتۋ جۇمىستارى جۇرگىزىلۋدە. نىسانداردىڭ ءبىرى - قبتۋ عيماراتىنىڭ ارتىنداعى «سيەۆەرنىي» سكۆەرى، وندا باستاپقىدا تەك فونتاندى رەكونسترۋكتسيالاۋ جوسپارلانعان بولاتىن. الايدا، تەكسەرۋ بارىسىندا بۇكىل الاڭنىڭ توزعانى انىقتالدى. ناتيجەسىندە بۇكىل اۋماقتى قايتا قۇرۋ تۋرالى شەشىم قابىلداندى. جوبا بويىنشا اعاشتاردى سانيتارلىق كەسۋ، كوگالداندىرۋ، برۋسچاتكانى جاڭارتۋ، سىرتقى جارىقتاندىرۋ، سونداي- اق قالا تۇرعىندارى مەن قوناقتارىنىڭ قاۋىپسىزدىگى ءۇشىن بەينەكامەرالار ورناتۋ قارواستىرىلعان. بارلىق جۇمىستاردى 2022 -جىلدىڭ قازان ايىندا اياقتاۋ جوسپارلانۋدا.

بايسەيىتوۆا كوشەسى بويىمەن ساتبايەۆ كوشەسىنەن جامبىل كوشەسىنە دەيىنگى جاياۋ جۇرگىنشىلەر ايماعى سپورت، بالالار الاڭدارىمەن، ورىندىقتارمەن، ۋرنالارمەن جابدىقتالادى، سىرتقى جارىقتاندىرۋدى ورناتۋ جوسپارلانۋدا.

وتكەن جىلى بوستاندىق اۋدانىندا جالپى اۋماعى 3,4 گەكتار بولاتىن «دوستىق» ساياباعىن اباتتاندىرۋ جانە كوگالداندىرۋ جۇمىستارى جۇرگىزىلدى. قايتا قۇرۋ اياسىندا اسفالت جابىندارى جاڭارتىلدى، ورىندىقتار مەن قوقىس جاشىكتەرى ورناتىلدى، سىرتقى جارىقتاندىرۋ جانە سۋارۋ جۇيەسى جۇرگىزىلدى، workout جانە بالالار ويىن الاڭى سالىندى.

قالا ورتالىعىنان الىس ورنالاسقان ءاربىر اۋداندا سەرۋەندەيتىن ايماقتار سالۋ جوسپارلانۋدا. مىسالى، بورالدايداعى ساياباق تەررەنكۋرعا ۇقساس بولادى، ال زەردەلىدە ورتالىق مادەنيەت ساياباعىنا ۇقساس جاستار ساياباعى سالىنادى.

قازىرگى ۋاقىتتا قالانىڭ ساياباقتارى مەن گۇلزارلارىن كۇتىپ ۇستاۋدا پروبلەمالار بار. وسى ماسەلەنى شەشۋ ءۇشىن قالانىڭ ساياباقتارى مەن گۇلزارلارىن كۇتىپ ۇستاۋ جانە ولارعا قىزمەت كورسەتۋ جونىندەگى جۇمىستاردىڭ ءتيىستى ساپاسىن جانە باقىلاۋدى قامتاماسىز ەتەتىن ءبىرىڭعاي وپەراتور - «Eco Almaty» ج ش س بەرۋ تۋرالى ۇسىنىس ەنگىزىلدى.

سوڭعى جاڭالىقتار